Video
Read full review
2018-03-12
17 views
3月2日係元宵，當然要揀一個浪漫嘅地方慶祝一下。聽朋友講朗豪坊隔離嗰個朗晴坊有一間用花來做主題嘅咖啡室，我哋就提早定位想去試吓，果然環境非常靚，很有少女心，適合慶祝節日或者成班女仔上嚟八卦下。好多影相同埋打卡位，不過因為今朝實在太早返工冇咩點整理個樣子，就唔影咁多個人照，影下個環境先！每人叫咗一個主菜，原來都會包埋餐湯，今次餐湯係蘑菇忌廉湯，有好多蘑菇粒粒非常有口感，而且香味十足，口感濃郁。香煎比目魚配玫瑰香檳汁＄188我個比目魚終於有得食，其實都唔係等左好耐，仲要比目魚都幾大份，表面煎得香脆，裏面肉質鮮嫩有水份。除咗玫瑰香檳汁甜甜地清新可以中和左油膩感覺之外，旁邊都有幾款經過處理嘅蔬菜，很有心思，都有燒過。另外底部仲有幾件薯仔，表面甜甜地，令整體豐富感提升。美國安格斯肉眼配紅酒燒汁＄248男朋友叫嘅美國安格斯肉眼扒就啱啱好揀咗五成熟，估唔到上嚟之後切開都睇到係真係啱啱好五成熟，睇得出請返黎嘅廚師都幾有工架。而且肉質鬆軟，食落去口感還是味道都一流，加上紅酒燒汁就更加香啦！焦糖咖啡＄36 凍焦糖咖啡個味道比較清香，而且甜甜地，表面有啲泡沫增強口感。玫瑰鮮奶伯爵茶＄42 熱表面有啲玫瑰花，
聽朋友講朗豪坊隔離嗰個朗晴坊有一間用花來做主題嘅咖啡室，我哋就提早定位想去試吓，果然環境非常靚，很有少女心，適合慶祝節日或者成班女仔上嚟八卦下。
好多影相同埋打卡位，不過因為今朝實在太早返工冇咩點整理個樣子，就唔影咁多個人照，影下個環境先！
每人叫咗一個主菜，原來都會包埋餐湯，今次餐湯係蘑菇忌廉湯，有好多蘑菇粒粒非常有口感，而且香味十足，口感濃郁。
香煎比目魚配玫瑰香檳汁＄188
我個比目魚終於有得食，其實都唔係等左好耐，仲要比目魚都幾大份，表面煎得香脆，裏面肉質鮮嫩有水份。除咗玫瑰香檳汁甜甜地清新可以中和左油膩感覺之外，旁邊都有幾款經過處理嘅蔬菜，很有心思，都有燒過。另外底部仲有幾件薯仔，表面甜甜地，令整體豐富感提升。
美國安格斯肉眼配紅酒燒汁＄248
男朋友叫嘅美國安格斯肉眼扒就啱啱好揀咗五成熟，估唔到上嚟之後切開都睇到係真係啱啱好五成熟，睇得出請返黎嘅廚師都幾有工架。而且肉質鬆軟，食落去口感還是味道都一流，加上紅酒燒汁就更加香啦！
焦糖咖啡＄36 凍
焦糖咖啡個味道比較清香，而且甜甜地，表面有啲泡沫增強口感。
玫瑰鮮奶伯爵茶＄42 熱
表面有啲玫瑰花，所以都散發住一啲玫瑰嘅香味，裏面係鮮奶伯爵茶，鮮奶味同埋伯爵茶嘅味道都飲到，但係溝埋真係好正，配搭係做得唔錯，幾有新意。
感覺上裏面工作嘅都係年輕嘅女生，好有朝氣，而且食物質素唔錯，值得試吓同埋支持下！
Post
