八沢 (Closed)

元旦假期瞓到自然醒確係好幸福嘅事，上Openrice搵吓有咩好嘢食慶祝吓先至得上環確係越嚟越多好嘢食，今日天氣有點涼所以想食熱嘢，最終揀咗呎間八沢睇吓幾得意，唔知呢隻係秋田犬定柴犬呢🤔🤔我其實係被招牌～黑松露忌廉海鮮烏冬吸引，所以一定要試吓Ta~Da主角出埸即刻試吓啖湯先，不得了好滑唔油膩，烏冬爽滑又彈牙，海鮮有帆立貝兩隻同三、四件三文魚塊，雖然不太愛放湯嘅三文魚，不過呢個唔腥就👌，最衰見到薑就發哂癲咁叫咗杯薑蜜，如果唔係我一定清哂呢碗湯😎呢杯薑蜜真係好夠薑甜到啱啱好，飲完成個人暖哂呢！結賬時老闆會問你覺得點呀？聆聽客人意見，呢間真係好嘢下次再試其他先