616牛肉火鍋專門店 (西菁街)

Open Now

Now Closed

朋友每次打邊爐都無牛不歡, 平時食開嘅本地肥牛、雪花肥牛、牛頸脊...已經滿足唔到佢, 今日就帶佢到616, 食盡各款牛肉。開動前要先上一課, 了解各款牛肉嘅分佈同建議淥煮時間, 除咗胸口膀之外, 其他部位只要淥6-8秒就食得。咁多款牛之中, 最吸引我哋嘅係油花密佈嘅牛朴肉, 入口柔嫩滑溜而且牛味特濃, 一碟絕對唔夠喉！脖仁嘅質感同牛朴肉大不相同, 肉質爽口有嚼勁。牛心, 口感爽脆富有彈性。初生雞蛋非常迷你, 不過可能烚得太耐, 食落同一般雞蛋無異。雖然616主打牛肉, 但蔬菜野菌都非常新鮮, 值得一讚！最後落埋熟板筋, 滑捋捋嘅牛筋, 吸收湯底精華後分外美味。