崟

Open Now

Now Closed

一直陰晴不定，我地終於決定唔理天氣，去元朗hea遊同行農莊。元朗對我地黎講好似返左大陸咁，密度勁低。當中有個聚腳點係一大堆餐廳，咩菜式都有。而我地就揀左間舒服既黎嘆下。Lunch 有多種選擇，見有稀有既活鮑魚的料理，我表示真係好想試下，唔係成日有得食，老公拍板叫2人餐活鮑魚料理。有鮑魚，魚，牛，菜，多士，抄飯，蜆湯同甜品。溫室野菜沙律覺得個冰菜好爽好正。 澳洲活鮑魚廚師係你面前起殼，洗洗再煮。切片後，鮑魚本身已有咸味，唔駛加醬汁都勁鮮。白甘鯛廚師先用油獲炸左，再煎。個魚鱗勁脆。湯物加左蜆而煮成既湯，加左辣椒吊味。鹿兒島和牛厚燒我要左5成熟，老公試左7成熟。5成熟就juicy d, 嫰口d. 7成熟既肉味出d小食糖多士，加左白糖同牛油煎既。超正呀。抄飯食到呢度都幾飽，抄到粒粒分明。抄野菜我數到有好多種菜，十分新鮮健康。甜品有5種口味既雪糕同有牛奶奶酪。好有誠意。見到人地點左大蝦果款，蝦比人面更長。好想試下呀。。。。廚師十分好客，侍應也很勤快。泊車超方便。海鮮由水缸直接打撈十分新鮮。廁所裝飾亦都很精美。