船長意法日餐廳 (Closed)

今日同主子喺元朗千色行街，行到肚仔餓，費是行咁遠揾食就去咗西菁街，我想食中菜，我主子想食扒餐，好在經過見到依間餐廳中西合璧就解決我食飯嘅問題，yeah !見到間船長意法餐廳，佢裝修都得意咪行去望下個menu囉，價錢又唔算貴，選擇都吾少，就試下呢間拉～主食我地叫咗黑毛豬肉眼扒同澳洲T骨牛扒再加三樣小食，有蒜香牛柳粒，韓風芝士焗青口同蜜燒葡萄柚子雞翼。先上枱嘅係牛扒，非常多肉汁，又有咬口 ,合水準，跟餐配珍珠飯，以一人餐來講份量真心唔少。之後嚟嘅三樣小食都係水準之上，特別係個芝士焗青口，芝士份量足，芝士控一流，每隻都算夠大，好抵食。個柚子雞翼，半煎炸，好香脆，配上柚子蜜好惹味，酸酸甜甜效果，送飯一流黑毛豬等待係值得架，一共黎左兩塊黑毛豬嘅肉眼扒，一薄一厚切，薄個塊唔覺得有咩特別，相反塊厚切黑毛豬口感豐富，啖啖都係肉好好味，口感豐富，又吾覺得煮得好乾，不過整體好好👍🏻呢個價錢呢個味道，下次一定encore！