劉興記生煎包專門店

Open Now

Now Closed

❣️餐廳位於朗屏站3分鐘距離。餐廳裝潢好懷舊感覺。門口姐姐好親切，好有人情味。餐牌主打上海菜，小籠包、生煎包、麵/飯都有。🌟蟹黃生煎包 $18 /招牌生煎包 即叫即整，熱辣辣。咬入爆汁，湯汁湧出來。真係要小心食，如果唔係會焫親咀仔。包底煎得好脆，皮又薄。1⃣️蟹黃生煎包白芝麻在面，啖啖蟹肉蟹膏，蟹肉鮮味由湯汁帶出，每一啖都食到蟹鮮味🤤2⃣️招牌生煎包黑芝麻在面，湯汁毫不遜色，豬肉鮮味十足。🌟雞絲酸辣湯小雲吞6粒 $32 🐔酸辣湯好大碗，酸度辣度適中。小雲吞皮薄餡肉多。雞絲份量十足，入口軟熟，口感不柴。🌟上海排骨菜飯+生煎包+豆漿 $54 🐷排骨外層酥脆可口，入口肉質嫩滑，肥瘦均勻。搭配菜飯真係恰到好處，減少油膩感，增強食慾。🌟蔥油拌麵 $30 🥒好大碗😈未入口已經聞到蔥油香。入口鹹度適中，蔥油香突出，又唔會好油膩，推薦！❣️總括而言，價錢親民，份量十足，性價比高。姐姐好親切，會關心食物好唔好食，又會推薦。難怪咁多街坊嚟幫襯。