新記煲仔雞粥 (Closed)

元朗又新街出晒名多野食 多數小食宵夜比較多 今日晏就去原來新記雞粥都有開🤩 二話不說就拉左朋友仔入去坐低🤣 餐牌上有勁多選擇 有選擇困難症既我見到樣樣都想食😂 最後當然必點左個貴妃雞豬潤粥 呢個真係推介！ 用黃油雞煲出黎既粥特別香又滑！ 豬潤又粉嫩😋粥底又好綿！岩晒喜歡食雞粥既我！2個人點夠食呀～仲叫左碟芽菜炒河！份量唔算多但只係$27 仲要勁有鑊氣😝 仲有好多韭菜同芽菜加小小辣椒醬真係忍唔住食多2啖😆雖然炒河粉好邪惡🤣🤣 我地仲叫左2份小食酥炸魷魚鬚同脆皮乳鴿🤩兩樣小食都係即叫即炸 上枱熱辣辣好吸引呀！ 魷魚鬚炸左唔會好似擦膠咁咬唔開 反而仲好易咬 再配埋醋 中和返晒 岩岩好完全唔會太油～ 乳鴿都算幾大隻好有肉 又唔會炸到乾爭爭 仲有好多肉汁 好juice😝 炸乳鴿當然要配埋淮鹽🙈咁邪惡既野當然要叫返2杯飲品潤返啦 原來呢到有d特色飲品叫左杯話梅柑桔冰同檸蜜🐝 杯話梅柑桔冰好出色 朋友仔飲第一啖已經大讚好好飲 因為酸酸甜甜好香話梅味！ 杯底真係有粒話梅同柑桔 想要酸d可以督多幾下🤣 平時夜晚呢間都好多人 試下lunch食都唔錯呀🤣🤣