古味坊 (Closed)

古早蛋糕舖開到成行成市，元朗終於都開返間啦。買咗一個黑糖蛋糕、一個紫薯蛋糕，兩個都係冇餡嘅蛋糕，相對健康少少。黑糖蛋糕好鬆軟，食到濃郁嘅蛋香味，黑糖就唔太突出，蛋糕唔太甜好易入口。紫薯蛋糕真係好香紫薯味，陣味一啲都唔化學好天然。兩個蛋糕都唔係好甜，食多少少都唔會滯。包裝盒提示常溫保存一樣，雪藏保存三日，大家可以留意下。買蛋糕嗰陣鐘留意到有埋其他甜品，例如啫喱。下次會試吓佢有餡嘅蛋糕，芝士味同肉鬆都好似好吸引。