元朗合隆潮州粉麵 (德仁街)

Open Now

Now Closed

晚上行過灣仔，正想揾地方食嘢，突然想起很耐冇去過"元朗合隆" 潮州粉麵。於是由灣仔道行去，都只是十分鍾左右。一入門口，便感覺舖面整潔乾淨。今次我就點了一個"柱侯炆牛筋腩油麵＋新鮮牛脷"。稍候片刻，熱辣辣的柱侯炆牛筋腩油麵即到面前，這款湯底仍有胡椒豬肚湯味，面層上再淋上香噴噴柱侯牛腩汁。今次份量很足夠，牛筋及牛腩都炆到很焾，極有口感，很濃郁充滿牛的味道。新鮮牛脷係我第一次試食，牛脷軟硬度剛剛好，分量唔少，值得下次再試，油麵配合以上的食物，味道十分滿意，而且價錢也十分合理，其實這店舖最出名係食豬雜的，只不過自己比較鍾意食牛，所以，沒有叫到豬食。今次只講到呢度，下次會再試其他食物。