Video
Read full review
2024-07-07
25 views
今日晚餐係元朗好順利大廈呢邊既韓國美食哦吧Oppa Pocha！店面幾大幾企理，環境舒適。超級多嘅韓式小配菜，款款都好鍾意呀！醃好咗嘅海苔，泡菜薯仔絲，魚板糕，翠玉瓜天婦羅，好正！今餐都係烤肉為主，戰斧豬扒，肉質肥美，店主一面幫我地烤，太大片，自己烤有d難度😂 中有放埋雞髀菇同洋蔥一齊烤，醬汁都已經準備好，喺隔離Stand by，將戰斧豬扒剪開一塊塊再烤，直到煎至兩面金黃色，睇到我流晒口水。店主教用醃蘿蔔包住一片點好醬汁嘅肉，再加啲涼拌蔥絲夾住一齊食，真係諗唔到原來咁樣夾埋一齊係咁好食嘅，色香味俱全！涼拌蔥絲以為只係蔥絲，但係呢個蔥絲經過特有嘅韓國醬料醃好，唔辣，但就係好味！配埋啲肉食係一流嘅！蒸蛋，好大嘅一盤蛋，我第一次食韓式蒸蛋，好得意，同我平時食開嘅唔太一樣。部隊火鍋，材料好豐盛，有韓國嘅腸仔、午餐肉、年糕、芝士、翠玉瓜、豆腐、蔥絲等等。如果唔夠飽，中可以淥個麵👍🏻
店面幾大幾企理，環境舒適。
超級多嘅韓式小配菜，款款都好鍾意呀！醃好咗嘅海苔，泡菜薯仔絲，魚板糕，翠玉瓜天婦羅，好正！
今餐都係烤肉為主，戰斧豬扒，肉質肥美，店主一面幫我地烤，太大片，自己烤有d難度😂 中有放埋雞髀菇同洋蔥一齊烤，醬汁都已經準備好，喺隔離Stand by，將戰斧豬扒剪開一塊塊再烤，直到煎至兩面金黃色，睇到我流晒口水。店主教用醃蘿蔔包住一片點好醬汁嘅肉，再加啲涼拌蔥絲夾住一齊食，真係諗唔到原來咁樣夾埋一齊係咁好食嘅，色香味俱全！
涼拌蔥絲以為只係蔥絲，但係呢個蔥絲經過特有嘅韓國醬料醃好，唔辣，但就係好味！配埋啲肉食係一流嘅！
蒸蛋，好大嘅一盤蛋，我第一次食韓式蒸蛋，好得意，同我平時食開嘅唔太一樣。
部隊火鍋，材料好豐盛，有韓國嘅腸仔、午餐肉、年糕、芝士、翠玉瓜、豆腐、蔥絲等等。如果唔夠飽，中可以淥個麵👍🏻
Post
