武士料理

Open Now

Now Closed

最近喺元朗發現一間隱世日式居酒屋，裝修獨特，原來嘢食都非常出眾。🍤刺生🍣我同朋友嗌咗一個🌼🌼🌼武士之魂刺身盛🌹🌹🌹呢個刺身盛一出場已經成為全場焦點，階梯式嘅擺盤，由上而下，順序放左由淡至濃嘅不同刺身，包括爽口彈牙嘅赤貝、咬口十足而且10分Creamy嘅魷魚、清甜嘅帶子、新鮮回甘嘅池魚、鮮甜大滿足嘅牡丹蝦、色澤均勻嘅吞拿魚、加拿大馬糞海膽、頂級大拖羅。刺身盛中間仲貼心地準備咗一碗角切魚生飯，上邊有三文魚、巨量魚子、蟹柳棒同埋鮮魚片，撈埋自家製嘅豉油一齊食，感覺非常清新可口。食完呢個刺生盛已經非常滿足，朋友建議試吓佢哋嘅串燒，於是嗌咗幾串諗住試吓，點知有驚喜😍😍🍢串燒🍺包括有日本甜薯、自家製雞肉棒串、雞軟骨串、鹽燒白鱔、日本豚五花串，特別欣賞佢嘅自家製雞肉棒串，香酥嘅雞肉入邊竟然有雞軟骨碎粒，食落去口感十足。另一樣令我印象深刻嘅係鹽燒白鱔，白鱔嘅外皮燒得香脆可口，除咗食到爽口彈牙嘅魚肉， 師傅適當的調味成功帶出魚嘅鮮味，令人齒頰留香。指定時段串燒仲買一送一添，啤酒亦都可以任飲，絕對係朋友小聚嘅好地方🍺🍺🍶🍶