十三少 (Closed)

十三少 (元朗)元朗又新街56號置富中心地下1-3號舖今日係9月1號，開學啦，放工梗係要食餐好嘅，約咗舊生去食飯，元朗十三少係值得一試！裝修寬敞舒適一流，坐落去心情都好好。椰皇蟹后滋味二人餐 388前菜酥炸黃豆真係好開胃，食到索索聲，一粒一粒好快清碟。椒麻皮蛋（麻辣）川式料理，有別於平時一般黑色嘅皮蛋，今次係透明彈滑，有蒜泥喺中間俾你配搭一齊食。十三少蒜香荷葉蟹飯(細)膏蟹處理得非常之好，齒頰留香，肉質鮮甜，鍾意食蟹嘅人唔可以放過，荷葉飯清甜鮮味，蟹香亦都滲透入飯粒當中。水煮魚見到佢紅卜卜嘅辣椒，其實係一啲都唔辣，好啱我呢啲食得少辣嘅人，透明涼皮超級彈滑，魚超足料，食得心滿意足。