薄荷葉泰國菜

Open Now

Now Closed

元朗圖書館對面就係泰菜薄荷葉😆溫住書等朋友收工食飯～餐廳入面既佈置滿有泰國風格既燈籠、象徵住泰國既大象，比客人一種好chill既感覺😆有位朋友之前介紹我食柚子鮮蝦沙律，咁我當然要試試～依碟柚子鮮蝦沙律100分！做前菜一流，個汁配埋啲柚子勁夾勁開胃，加上鮮蝦彈牙，正正🤤明燒鱸魚🐟魚肉可以沾啲泰式辣辣綠色醬（其實我一直唔知個醬叫咩名😂😂），條魚啖啖肉，配埋個汁好夾😛另外，我地叫左碟小食拼盤，種類都好多，每款有2舊，有蝦餅、泰式魚餅、蝦片、春卷同串燒～蝦片同串燒超推介，蝦片就脆卜卜，而串燒配個沙嗲醬超好食😋唔會太鹹而食完一舊又想食多舊（沾醬）～最有驚喜就係咖喱軟殼蟹🥴咖喱汁係比較濃厚，軟殼蟹浸滿滿既咖喱汁，幸福感100%咖喱配薄餅唔會額外收錢，而且有成4塊，好好食但太飽食唔晒🥲🥲啲軟殼蟹有好多舊🤤我地叫左杯青檸梳打，我以為係一罐梳打一粒青檸，自己整黎飲🤣🤣依間餐廳會整好晒仲裝飾埋杯野比你飲，good good 👍🏻👍🏻總結黎講，依間餐廳真係可以再食過🤤真心好食同勁飽～柚子鮮蝦沙律同咖喱軟殼蟹一定要食！