新記煲仔雞粥 (Closed)

〰️貴妃雞粥 （$58）新記嘅貴妃雞粥元朗人一定都識～專揀新鮮滑嫰嘅母雞，再加上多種藥材、香料、蝦乾同瑤柱。食落唔會話有好明顯嘅藥材味，有嘅係濃濃嘅雞油香味，仲有微微嘅酒香味。粥底唔會太水而係軟綿綿。到新記每次必叫！！下午茶餐仲可以配小食，選擇都幾多，今次就揀左炸兩，入面嘅油炸鬼仲係脆脆，所以好明顯唔係一早整定～〰️馳名海鮮粥 （$77）海鮮有帶子、蟹、魚片、蝦等等。魚片無骨唔腥👍🏻，蟹肉仲帶膏，成碗粥充滿住海鮮嘅鮮甜味。〰️海蜇手撕雞 （$55）雞肉涼拌後肉質更緊實，啖啖肉。海蜇爽爽彈彈，沾滿麻油香，做小食用嚟送粥唔錯。😝〰️〰️📍 新記煲仔雞粥 (元朗)元朗又新街60號地下D2號舖