Video
Read full review
2024-05-27
15 views
武士食評📍 元朗裕榮徑11號好旺大廈地下6號舖🧡食物餐前會有個味增湯～🦈 武士之魂刺身盛+牡丹蝦刺身 $438+$48如果想食幾種唔同刺身，而且兩個人嚟嘅話，揀呢個就啱，每款刺身都有兩件👍🏻有齊丼飯、吞拿魚大腹、北海道海膽、赤身、油甘魚、真鯛、帶子、赤貝，我哋加錢嗌咗個牡丹蝦，我媽超感動咁話終於食到唔腥嘅赤貝🤣勁爽彈勁鮮甜～丼飯上面有魚子、三文魚粒同吞拿魚粒，成個勁豐富，而且樣樣都好新鮮，我就最鍾意海膽，真係好鮮甜好新鮮～🐟 蒲燒鰻魚丼 $88意外地幾大盒，鰻魚非常肥厚，極度鮮嫩軟熟，勁香油脂味，醬汁味道好夠，撈住好有黏性而粒粒分明嘅飯，超好食！😋隔離擺住啲黃蘿蔔，酸酸甜甜，好解膩好正～🍣 火炙三文魚壽司 $16 & 火炙帝皇蟹棒壽司 $14三文魚好厚切，表面輕輕炙燒，帶出魚油香味，入面仲保留住魚生嘅口感，超厚超滿足😇飯唔會太散又唔會太實，啱啱好～蟹棒好長好大條，非常鮮甜好香，絲絲分明，好襯蛋黃醬嘅味道～🥰🍤 日本海膽流心忌廉餅 $28微微嘅海膽甜味，加上好濃厚嘅忌廉，真係一咬就爆漿，炸衣勁脆，入面又好順滑，口感好正🤤雖然炸嘢要趁熱食，但係一定要小心，入面勁熱，一唔小心就會好似我咁辣到
📍 元朗裕榮徑11號好旺大廈地下6號舖
🧡食物
餐前會有個味增湯～
🦈 武士之魂刺身盛+牡丹蝦刺身 $438+$48
如果想食幾種唔同刺身，而且兩個人嚟嘅話，揀呢個就啱，每款刺身都有兩件👍🏻有齊丼飯、吞拿魚大腹、北海道海膽、赤身、油甘魚、真鯛、帶子、赤貝，我哋加錢嗌咗個牡丹蝦，我媽超感動咁話終於食到唔腥嘅赤貝🤣勁爽彈勁鮮甜～丼飯上面有魚子、三文魚粒同吞拿魚粒，成個勁豐富，而且樣樣都好新鮮，我就最鍾意海膽，真係好鮮甜好新鮮～
🐟 蒲燒鰻魚丼 $88
意外地幾大盒，鰻魚非常肥厚，極度鮮嫩軟熟，勁香油脂味，醬汁味道好夠，撈住好有黏性而粒粒分明嘅飯，超好食！😋隔離擺住啲黃蘿蔔，酸酸甜甜，好解膩好正～
🍣 火炙三文魚壽司 $16 & 火炙帝皇蟹棒壽司 $14
三文魚好厚切，表面輕輕炙燒，帶出魚油香味，入面仲保留住魚生嘅口感，超厚超滿足😇飯唔會太散又唔會太實，啱啱好～蟹棒好長好大條，非常鮮甜好香，絲絲分明，好襯蛋黃醬嘅味道～🥰
🍤 日本海膽流心忌廉餅 $28
微微嘅海膽甜味，加上好濃厚嘅忌廉，真係一咬就爆漿，炸衣勁脆，入面又好順滑，口感好正🤤雖然炸嘢要趁熱食，但係一定要小心，入面勁熱，一唔小心就會好似我咁辣到口TT
🍡 雞軟骨串 $28 & 波板豚腩串 $36
雞軟骨好脆好香！勁想嚟杯酒🤣波板豚腩串可以想像成拉麵嗰種叉燒，搽上甜甜地嘅醬汁攞去燒，火候啱啱好好正好香～我阿媽最鍾意呢道～
Post
