牛極 (好順利大廈) (Closed)

出面門口寫咗唔使一百蚊就有牛食，俾佢吸引咗入去。平日早啲六點鐘去到都尚算少人唔使等位，叫咗一份牛，最少180g都好足夠，想熟啲就等耐啲想食生啲就覺得適合就可以切黎食。牛肉汁而且嫩滑，配合出面嘅白飯加紫菜，再撈埋佢哋自家製嘅牛肉汁，簡直就係一流嘅絕配！ 出面嘅羅宋湯任飲，而且落足料，扺食。 平時出面如果要食呢啲沙律吧或者任飲任食嘅套餐都要額外加錢，但呢度你只需要食最平嗰個85蚊就已經有咁嘅享受。非常之抵食！ 不過我覺得有一樣嘢可以增加嘅就係嘢飲吧，因為佢哋冇送嘢飲所以如果能夠加錢任飲更加抵食！