越北牛肉粉專門店

Open Now

Now Closed

自上星期發現呢個順福糧倉新商場，就成日走黎睇下有咩新店開左。是日黎試下越北，食過佢其他分店都唔錯。下午茶時段黎到，好受歡迎好多食客喎，等左一陣先有枱🙂🥣越北綜合牛肉湯粉自己點左碗綜合，貪佢咩都有啲，有生牛肉、牛腩片、牛肉丸，粉就要左金邊粉，湯底幾鮮味，生牛同腩片都好食，但最正係牛丸，有牛味又爽口，細細粒size啱啱好一口一粒。🥣順化湯檬朋友試左順化，想試下佢個辣湯底喎，入面有牛腩片、扎碲、扎肉、牛肉丸，朋友話四樣都好食，不過佢都讚同牛丸最正～🍤炸蝦餅&豬頸肉再加左兩款小食，因為係跟餐小食，份量真心有點少😅豬頸肉燒得香口幾好食，炸蝦餅不過不失可以一試。🥤椰汁三色冰&椰汁仙沙冰另外仲轉左做特飲，兩杯都係椰汁冰但唔同配料，個椰汁好香甜好好味，啱晒而家十一月都仲三十度嘅天氣，遺憾係細杯左啲唔夠喉🤪小店唔使加一，食咁多野都係一百蚊人頭左右，都幾抵食喎。