泰廳 (Moved) New Location

一間元朗新開嘅泰國菜，地點方便喺元朗廣場對面，一入到餐廳長長方方，店內擺設都係一啲泰國畫像，放着泰文歌，簡單木枱，但裝潢未見得特別，略為有點擠迫，食客唔多。👌🏾好啦～ 首先，黎到泰國餐廳必點既冬陰公湯，用左多香料去煮成，入口香濃，辣道十足，比起泰國飲既冬蔭公湯仲要辣，老闆應該係為咗迎合香港人口味，但建議怕辣朋友可以點其他湯黎飲蒜蓉包，試過之後重點推介👍🏾👍🏾程長方條型，塗上牛油黎炸過，外脆內軟，連我本人唔太中意食面包都食多左幾件👍🏾然後當然唔少得配上咖哩，但咖哩味道略有少許濃然後再黎個泰式生菜包，配料十足，而且香料味道好重，真材實料。飲品就點左最近人氣熱賣既碟豆花青檸梳打，賣相好靚，但飲落碟豆花香味一般，無太大驚喜。