麵麵俱到

Open Now

Now Closed

最近係元朗雞地附近行，無意中發現一條巷仔入面有間新開嘅麵食店舖，店內主要食日式讚岐烏冬及香港手工蛋麵，門外睇起嚟好似日式風格，品嚐下啲fusion麵啦 ~入到店內，地方雖然唔大，以及只有一排座位，但完全感受到充滿日式風格設計。蟹肉海老鮮蝦味噌湯麵      $78所有麵類可二揀一 : 日本讚岐烏冬/香港傳統手工蛋麵。呢碗揀咗湯烏冬，材料好豐富，包括有虎蝦、蟹肉、嗚門卷、味付筍片、蔥花、紫菜絲、芝麻及炸乾蔥，虎蝦彈牙爽口，蟹肉鮮味，炸乾蔥香脆可口，烏冬煙韌滑嘟嘟，味噌湯底係使用面豉醬混合蝦嘅鮮味，鹹鹹甜甜幾好味，濃郁可口，香氣四溢。日式濃汁燴牛肋條壽喜燒湯麵        $72另一碗同樣選擇烏冬，日本讚岐烏冬特別煙韌彈牙。牛肋條煮至軟身，肉質嫩滑，牛味濃厚，其他材料 : 鳴門卷、筍片、炸乾蔥、紫菜等等，餸菜好入味，湯底香濃，日式fusion湯麵，很不錯。津路烏龍茶       $9茶味香濃帶回甘，冰冰涼涼，口感清爽。