Video
Read full review
2022-07-25
111 views
經常都要黎元朗圖書館呢邊，見住有間新酒吧裝修，舖面好大，是日經過終於裝好，仲開始試業添。見午餐都幾啱食，就試下佢先。店內環境唔錯，落地玻璃全部用走路軌，天氣無咁熱就可以全開放式。可以用qr code點餐，點了一人一份午餐外，仲加了starter同dessert，非常豐富，呵呵～熱情果茶先來餐飲，紙餐牌上寫的是pineapple tea，但網頁餐牌就寫係熱情果茶，飲一口覺得係後者，好香仲係微甜，又夠凍，啱晒呢啲咁熱嘅天氣。精選沙律個菜名咁平凡，估唔到黎到個樣咁靚，沙律都可以打卡，哈哈。菜爽口新鮮，上面舖了吞拿魚魚生，帶點油脂令沙律更有層次，好好食。彩椒古斯米讓蕃茄呢樣都好靚呀，蕃茄好清新，去皮了入口更順滑，入面放了小米三色椒等，健康又高營養的前菜呢。香烤熟成香料豬里脊主菜到了，一上枱已聞到好香，賣相靚之餘，連隻碟都烘暖過的，好有誠意。豬扒厚切，肉嫩鮮味，嫩滑又不肥膩，塊扒真係超正。下層墊了青豆角蓉，清新田園感，吸了豬肉汁更上一層樓，食到一啲都無淨。西班牙雞肉燴飯賣相也是不錯的，除了雞肉，入面仲有西班牙辣肉腸，青豆，三色椒等一齊煮，味道豐富有口感，只係略微鹹左啲。焦糖燉蛋食完主菜就梗係期待
見午餐都幾啱食，就試下佢先。店內環境唔錯，落地玻璃全部用走路軌，天氣無咁熱就可以全開放式。
可以用qr code點餐，點了一人一份午餐外，仲加了starter同dessert，非常豐富，呵呵～
熱情果茶先來餐飲，紙餐牌上寫的是pineapple tea，但網頁餐牌就寫係熱情果茶，飲一口覺得係後者，好香仲係微甜，又夠凍，啱晒呢啲咁熱嘅天氣。
精選沙律個菜名咁平凡，估唔到黎到個樣咁靚，沙律都可以打卡，哈哈。菜爽口新鮮，上面舖了吞拿魚魚生，帶點油脂令沙律更有層次，好好食。
彩椒古斯米讓蕃茄呢樣都好靚呀，蕃茄好清新，去皮了入口更順滑，入面放了小米三色椒等，健康又高營養的前菜呢。
香烤熟成香料豬里脊主菜到了，一上枱已聞到好香，賣相靚之餘，連隻碟都烘暖過的，好有誠意。豬扒厚切，肉嫩鮮味，嫩滑又不肥膩，塊扒真係超正。下層墊了青豆角蓉，清新田園感，吸了豬肉汁更上一層樓，食到一啲都無淨。
西班牙雞肉燴飯賣相也是不錯的，除了雞肉，入面仲有西班牙辣肉腸，青豆，三色椒等一齊煮，味道豐富有口感，只係略微鹹左啲。
焦糖燉蛋食完主菜就梗係期待甜品啦，先到嘅焦糖燉蛋，上層的焦糖又香又脆，下層的燉蛋又軟又滑，兩者加埋一齊就係perfect match，不出數分鐘已完食，超好味。
麵包布丁咦咦～個樣咁得意嘅，同一般認知嘅麵包布丁唔同，唔係放係個焗盤度喎。看似蛋糕嘅麵包布丁，入口軟綿綿，濃濃的雞蛋同奶味充滿著口腔，點埋旁邊個醬汁奶香味更強，雖然好飽，但都食晒㗎，太好味了，正所謂甜品係第二個胃嘛。
Peppermint Tea食飽再同朋友吹下水，叫返杯野飲慢慢嘆先，自己要左壺薄荷菜，食左咁多野正好去下膩，薄荷味好香又順口，正。
Cappuccino 朋友要左杯凍泡沫咖啡，啡味好香喔～糖水自己加的，食過甜品正好可以微微微甜就夠了，啱哂。
整體黎講食物高質，價錢合理，餐廳環境唔錯，店員又有禮，值得推介呢。
Post
