百味香串燒專門店 (Closed)

位於元朗廣場及健康院中間的小食街，有一間小店經常都好多人排隊，個間就係百味香喇😏😏小店堅持認真燒好每一串串燒，並不會因為人多而求其燒/燒定一大堆，往往因爲燒唔切供不應求而出現人龍，密密邊燒邊補蜜糖鎖住肉汁，到你手上既串燒一定係熱辣辣帶微焦又juicy，而佢地自家製沙嗲汁係另一殺著，有辣有唔辣，食得辣一定要叫辣，個種獨特既惹味第二度食唔到😋😋另外呢度都有燒賣及其他炸物小食，如果唔係買串燒係唔洗排隊既，但我都係推介燒雞肉/豬肉/豬頸肉～食左呢間小店都超過廿年，由細食到大，由$5/串食到$13/串，依然都係咁美味，在香港能夠堅持自己風格、保持水準的小店，已經買少見少了。