Video
Read full review
2019-05-06
70 views
食廚師發辦有好多好處😏 1. 啱曬我呢d選擇困難症，廚師只會揀最合時令嘅食材為食客炮製一餐最prefect嘅晚餐，因應食材嘅供應自然好有驚喜😆 2. 不同廚師都有佢擅長嘅煮法同偏愛，特別為食客調配醬汁，獨一無二，就算你下次嚟番同一間餐廳都未必會食到🤞🏻朋友介紹話元朗有好西食，性價比不俗，眼見男朋友OT辛苦，所以襯住長假前後依d holiday mood滿滿嘅時候，好好食餐正嘅為大家打打氣💪🏻💪🏻一坐低已經俾旁邊嗰兩枱食客嘅餸菜引到肚仔打鼓、流曬口水。好彩好快已經到我地🌻第一道菜有粒貝，廚師只係簡單用黑椒調味，肉質幼嫩帶咬口，味道爽口清甜💧象拔蚌無特別落調味，用上炒香咗嘅烏魚子，呢種香味就好似避風塘做法嘅香口，意外地依然食到淡淡海水味🤙🏻北寄貝亦有特別呈現嘅方法，新鮮海草配北寄貝製成嘅青海草湯，擁有獨特香甜滋味，令味道更提鮮，連湯清一滴不留🤗一連食咗3道唔同風味嘅貝類，廚師為我地帶黎黑松露三文魚籽蒸蛋，以上湯1:1.15比例去做，如此一絲不苟，難怪看似簡單易整嘅蒸蛋，都比我係其他食店食過嘅滋味，個種蛋香同滑溜係拿捏得最好嘅👍🏻金目鯛，見佢上爐前其貌不揚，但經過師傅巧手雕琢之後...原來工
朋友介紹話元朗有好西食，性價比不俗，眼見男朋友OT辛苦，所以襯住長假前後依d holiday mood滿滿嘅時候，好好食餐正嘅為大家打打氣💪🏻💪🏻
一坐低已經俾旁邊嗰兩枱食客嘅餸菜引到肚仔打鼓、流曬口水。好彩好快已經到我地🌻
第一道菜有粒貝，廚師只係簡單用黑椒調味，肉質幼嫩帶咬口，味道爽口清甜💧
象拔蚌無特別落調味，用上炒香咗嘅烏魚子，呢種香味就好似避風塘做法嘅香口，意外地依然食到淡淡海水味🤙🏻
北寄貝亦有特別呈現嘅方法，新鮮海草配北寄貝製成嘅青海草湯，擁有獨特香甜滋味，令味道更提鮮，連湯清一滴不留🤗
一連食咗3道唔同風味嘅貝類，廚師為我地帶黎黑松露三文魚籽蒸蛋，以上湯1:1.15比例去做，如此一絲不苟，難怪看似簡單易整嘅蒸蛋，都比我係其他食店食過嘅滋味，個種蛋香同滑溜係拿捏得最好嘅👍🏻
金目鯛，見佢上爐前其貌不揚，但經過師傅巧手雕琢之後...原來工序一啲都唔簡單！首先連魚鱗炸再靠蒸氣焗熟魚肉，所以外皮焦脆但裡面嘅魚肉依然好軟滑，魚油香配上特製南瓜海膽忌廉醬，到今日依然令人回味無窮😻
食食下，廚師突然端上兩隻新鮮仲郁緊嘅鮑魚係我地面前出現，北海道蝦夷鮑帶有清爽的甜味，活鮑現煮，肉質嫩滑鮮美，蘸鮑肝醬食之乃人間美味😽 要讚佢嘅鮑裙邊刷洗乾淨，完全無沙！廚師去腸手法純熟，烹調火候亦都控制得宜，所以中心部位糯軟有如年糕👏🏻
孟加拉虎蝦可說是蝦中之王，難怪肉質甜美有彈性，一開頭仲以為咁細隻，但轉壞原來拍得住龍蝦嘅size！今次廚師為我地特調一個用蝦膏做汁醬嘅食法，呢個畫龍點睛不禁令我地嘖嘖稱奇🤲🏻又一個Magic~
再黎一客邪惡嘅鵝肝麵包，配上自制蘋果醋，一上枱見到膨脹又香噴噴，其低酸度中和了鵝肝嘅油膩感，以達到味覺平衡👾
以為已經完？原來呢個餐只係食到一半炸😏 瀨戶蠔...入口細滑creamy，蠔味鮮中帶甜齒夾留香😌
仲有食肉獸最愛吃嘅牛排🤗 未煮已經見其油花細緻，如雪花般均勻散布嘅油脂，已令人食指大動。加上和牛在口腔內慢慢溶化，甘香的油脂與濃郁的牛肉味同時間迸發，即時把味蕾徹底俘虜。師傅將塊扒分3部份黎煮，晤同部份原來用不同時間烹煮會有晤同嘅感覺。原來食牛都可以咁講究🤭
甜點🍮都有驚喜，尤其係呢個多士塔，
又係令一邪惡之選，以大量牛油同砂糖煎製，真係好好味呀！睇下有無機會自己下次試下整先，因為呢道菜有令人一試愛上嘅魔力🤤
正如開頭已經話食廚師發辦有好多好處😏🤞🏻 3. 一定係捧住個肚走，可以同廚師交流之餘，亦比機會你放低個電話好好咁同另一半Enjoy一下🎈希望好快又可以再黎encore啦🥳
Post
