薄荷葉泰國菜

Open Now

Now Closed

✨今日同朋友係元朗試咗間泰國菜。叫咗泰式炒金邊粉、軟殼蟹咖喱、薄餅同椰青，性價比都幾高咖，唔錯😚😚。✨ 泰式炒金邊粉 👧🏻 個金邊粉幾有泰國風味，係甜甜地嘅。金邊粉上菜時係被一塊蛋皮包住，側邊仲有唔同配料，有芽菜、蔥條、砂糖、辣椒粉同花生碎。去過其他泰國餐廳食金邊粉，都唔會有呢堆配料，所以好有驚喜。個金邊粉熱辣辣，個粉都好滑下，味道幾好食。金邊粉本身有唔同嘅配料：有類似魚片條嘅配料、紅蘿蔔絲，份量都幾多下，所以幾飽肚的。✨ 軟殼蟹咖喱 👧🏻 軟殼蟹份量好多，我同朋友兩個人都食唔曬。軟殼蟹系預先炸過ge，所以好香脆。個咖哩唔系辣個隻，系偏甜個隻，幾特別，都幾多汁下，所以食落唔會好乾。裡面仲有幾多配菜，有紅蘿蔔、蘿蔔同豆角，唔會淨係食軟殼蟹咁齋。✨ 薄餅 👧🏻 個薄餅煎得好脆，好香口。點埋個咖哩一齊食會好夾。一份有4塊，唔算好貴，都幾飽肚。✨ 椰青👧🏻 椰青水好清甜。個日出門嘅天氣都好熱下，涼浸浸嘅椰青水好解渴。裡面d椰肉都幾易刮出來 ，可以食得曬，所以唔會有野嘥。