凱悅海南雞專門店 (Renamed) View

[#元朗海南雞] || 平民價高質嫩滑海南雞 - 凱悅海南雞專門店 // 講女搵食團  = = = = = = = = = = = = = = =總括💬：平民價錢，CP值高有驚喜海南雞。環境：★★★★☆ | 味道：★★★★★ 服務：★★★★★ | 抵食：★★★★☆ ———————————————— 開番晚市堂食，晚飯又可以偷下懶XD 今次同親愛的去了教育路中後段搵野食，入咗間其貌不揚小店，但估唔到餐廳有驚喜。 ————————————————睇睇餐牌一碟飯跟湯都係$50另蚊起，價錢平民化。餐廳名叫得凱悅無骨海南雞，海南雞當然係招牌，同親愛的一人叫咗一碟飯，叫咗無骨海南雞飯 & 無骨鹽水加積鴨飯，配薑黃飯跟紫菜湯。 先黎一碗足料紫菜湯，店員姐姐介紹個湯，唔同一般餐廳送既例湯，佢地既湯每日用雞殼加上紫菜熬，無加味精，所以就算只有紫菜+雞肉碎，充滿雞湯鮮甜味。 無骨海南雞飯：海南雞份量多，冇將貨就價。肉質唔嚡口，啖啖雞味濃嫩滑雞肉，值得一讚，雞肉一點碎骨都冇。而且雞皮無乜脂肪爽滑，入口唔會成口油，就算連埋雞皮食都冇乜罪惡感XD。老闆見我地生面口，主動介紹佢地既雞，有別於坊間雞。專屬自家農場