Video
Read full review
2024-10-14
2363 views
👦🏻👧🏻行Yohomix見到湊湊火鍋做緊迎國慶限定新品75折，優惠期至10月31日，有新鍋底、新海鮮炸物小食，仲有湯底升級不加價。所以我哋嗌咗個鴛鴦鍋，一次過試晒兩款口味😋！🍲鴛鴦鍋（昆布鰹魚鍋拼貴州木姜子酸湯鍋） $237昆布鰹魚鍋加入新鮮嘅蜆肉，令湯底加添一份鮮甜味，打邊爐前不妨飲兩啖先😋！貴州木姜子酸湯睇落成個紅卜卜，但係唔辣嘅，酸酸地幾開胃。💦華麗海鮮拼盤（小） $238拼盤有鮑魚、扇貝、蜆肉、蝦同白鱔片，全部都新鮮高質！蜆肉粒粒都脹卜卜，充滿鮮甜嘅水份！蝦肉爽口彈牙，蝦頭仲有膏添。白鱔片滑嫩彈牙，冇腥味，食嗰時要小心啲骨。🐄美國特選級牛板腱 $138牛板腱份量多而且質素唔錯，性價比高！肉質鮮嫩柔軟，帶有豐富嘅肉香同油花。🦪香酥蚵仔 $68香酥蚵仔外酥內嫩，炸粉漿係薄薄一層，口感幾正，味道係偏淡身少少，如果好似我哋咁鍾意食濃味啲，可以喺出面拎啲鹽配番就更好食啦。🦐手工蝦滑 $68手工蝦滑口感滑嫩，晶瑩通透，見到好多新鮮嘅蝦肉喺裏面，每一啖都係爽彈鮮甜。🪿鵝腸 $78每條鵝腸有闊條麵咁粗身，滾完之後口感爽脆緊實，配出面自助區嘅XO醬食，即刻變咗惹味小食😆。🥬皇帝菜 $38皇帝菜新
🍲鴛鴦鍋（昆布鰹魚鍋拼貴州木姜子酸湯鍋） $237
昆布鰹魚鍋加入新鮮嘅蜆肉，令湯底加添一份鮮甜味，打邊爐前不妨飲兩啖先😋！貴州木姜子酸湯睇落成個紅卜卜，但係唔辣嘅，酸酸地幾開胃。
💦華麗海鮮拼盤（小） $238
拼盤有鮑魚、扇貝、蜆肉、蝦同白鱔片，全部都新鮮高質！蜆肉粒粒都脹卜卜，充滿鮮甜嘅水份！蝦肉爽口彈牙，蝦頭仲有膏添。白鱔片滑嫩彈牙，冇腥味，食嗰時要小心啲骨。
🐄美國特選級牛板腱 $138
牛板腱份量多而且質素唔錯，性價比高！肉質鮮嫩柔軟，帶有豐富嘅肉香同油花。
🦪香酥蚵仔 $68
香酥蚵仔外酥內嫩，炸粉漿係薄薄一層，口感幾正，味道係偏淡身少少，如果好似我哋咁鍾意食濃味啲，可以喺出面拎啲鹽配番就更好食啦。
🦐手工蝦滑 $68
手工蝦滑口感滑嫩，晶瑩通透，見到好多新鮮嘅蝦肉喺裏面，每一啖都係爽彈鮮甜。
🪿鵝腸 $78
每條鵝腸有闊條麵咁粗身，滾完之後口感爽脆緊實，配出面自助區嘅XO醬食，即刻變咗惹味小食😆。
🥬皇帝菜 $38
皇帝菜新鮮翠綠，份量多，煮完仍然保持爽脆鮮甜。
🍹抹茶開心椰 $34
同時飲到清新嘅抹茶同濃郁嘅開心果味，口感醇厚，仲有生椰乳令成個感覺更加豐富！底部仲有好似奶凍嘅香米布蕾，有得飲又有得食。
🍹百事蜜桃綠茶生可樂 $35
百事生可樂同茉莉花茶完美融合，再加入香甜水蜜桃、天然紅西柚果粒、愛玉果凍同酸香檸檬，飲落非常清新爽快！
🫙出面自助醬料加小食區 $19/位
有滷肉飯、炸芋球、涼拌魚皮同水果任食，仲有多款醬料自由配搭，有XO醬、香茹醬、沙茶醬等等。
🍹菠蘿沙冰 免費
嚟到店員會每人送上一小杯菠蘿沙冰，菠蘿香甜清爽又解渴！
🍮甜品 免費
食到差唔多完，店員會送上飯後甜品「紅豆豆腐布丁」，豆腐布丁質感滑溜，唔會好甜，加埋紅豆食，味道好夾。
Post
