舍利鮨 (Closed)

放假山長水遠同女友入元朗，係因為地膽話食過依間Sushi Shari嘅Omakase好正。淨係睇門面都好和風。我哋坐喺吧枱同師傅有好多互動，環境亦好decent。我地左15品嘅set，已經好豐富。由於掛住食，同埋師傅話盡量快d品嚐佢個鮮味，所以冇影太多相。壽司來講餐廳應該係用赤醋，牡丹蝦同魚腩兩件都好出色，蝦肉口感綿綿，魚生亦係厚切。至於呢個魚子海膽一口飯更為驚人，因為用上根室海膽，呢款好有保證，完全唔腥。成個組合根本係絕配。刺身生蠔肥美，仲要係Jumbo Size！食完壽司刺身就食塊鵝肝多士先，多士靚過平日茶餐廳炸果啲好多！整體真係食左好多嘢係滿足嘅一餐，女朋友要去到咁遠都冇怨，因為好食。地膽果然無介紹錯。