Video
Read full review
2016-06-23
451 views
話說今日係友人plan左好耐嘅潮州菜日，因為個位置並唔係大家見慣見熟嘅尖沙咀旺角，而係大名鼎鼎嘅---元朗！無錯，的而且確元朗真係出名多野食，泰國菜日本菜，小妹鐘意嘅串燒同甜品都有好多，點解友人揀食潮州菜，小妹都唔係好明，不過黎到呢度，小妹又覺得無黎錯呢間百樂潮州酒樓喺元朗西鐵站一出個形點二期三樓，位置都算方便易揾，友人見到隔離果間甜品舖两眼發光，話食完要去食甜品，不如食完先講，小妹餓了七點幾，唔算多人，相信係呢頭食肆競爭大，但呢度服務簡直一流，起碼唔係酒樓嘅行過見你唔到，呢度見怕你啲衫整污糟，比返個笠你笠住啲衫，幾好！先黎個席前小菜，酸菜！小妹真係好欣賞，佢小小酸得黎甜甜地，又有咬口，索索聲，小妹忍唔住獨食一碟然後品一口功夫茶，呢度功夫茶係餐前同餐後都奉上，比你清一清口腔解膩，茶甘香濃郁，齒夾留香，友人獨愛呢度嘅滷水鵝片拼掌鵝肝老實，鵝肝除左喺西餐食，真係什少喺中餐食過，呢個將滷水汁融入鵝肝嘅做法，香甜濃郁加上軟綿綿口感，好沖衝味蕾鵝片雖然薄切不過一啲都唔un...肉質夠嫩，配上香醋，解一口肉膩感潮陽炸雙棗 分別係蝦棗同蟹棗，食得出入面有蝦/蟹肉之外，仲有薑絲，馬碲，口感香口同鬆軟，
無錯，的而且確元朗真係出名多野食，泰國菜日本菜，小妹鐘意嘅串燒同甜品都有好多，點解友人揀食潮州菜，小妹都唔係好明，不過黎到呢度，小妹又覺得無黎錯
呢間百樂潮州酒樓喺元朗西鐵站一出個形點二期三樓，位置都算方便易揾，友人見到隔離果間甜品舖两眼發光，話食完要去食甜品，不如食完先講，小妹餓了
七點幾，唔算多人，相信係呢頭食肆競爭大，但呢度服務簡直一流，起碼唔係酒樓嘅行過見你唔到，呢度見怕你啲衫整污糟，比返個笠你笠住啲衫，幾好！
先黎個席前小菜，酸菜！小妹真係好欣賞，佢小小酸得黎甜甜地，又有咬口，索索聲，小妹忍唔住獨食一碟
然後品一口功夫茶，呢度功夫茶係餐前同餐後都奉上，比你清一清口腔解膩，茶甘香濃郁，齒夾留香，友人獨愛呢度嘅滷水鵝片拼掌鵝肝
老實，鵝肝除左喺西餐食，真係什少喺中餐食過，呢個將滷水汁融入鵝肝嘅做法，香甜濃郁加上軟綿綿口感，好沖衝味蕾鵝片雖然薄切不過一啲都唔un...肉質夠嫩，配上香醋，解一口肉膩感
潮陽炸雙棗 分別係蝦棗同蟹棗，食得出入面有蝦/蟹肉之外，仲有薑絲，馬碲，口感香口同鬆軟，配獨有嘅潮式甜醬，又一新嚐試
杏汁白肺湯 呢味小妹自出娘胎完全無喺阿媽手口煲過出黎，第一，洗豬肺係何其辛苦嘅事，由紅卜卜，洗到白雪雪，阿媽話淨係諗都覺得辛苦，杏仁又要磨，多重功夫，叫小妹想飲就自己出街飲
難得呢度有就梗係叫黎補補佢，養顏啊！杏味濃，湯呈奶白色，主角豬肺都係白色，飲落真係啖啖心機，又香甜！
乾煎糖醋麵 呢個睇落無咩特別，但其實要煎到個麵两面黃都好考功夫，食時底加醋時面加糖，小小脆身又酸又甜又真係幾過癮開胃
反沙芋 又黎潮州名菜反沙芋，又一功夫呈獻，聽講造呢味菜嘅功夫係要係炒芋頭同砂糖嘅同時，要快速，令砂糖溶化之餘又唔可以抄燶啲糖，出黎仍然要係白色，真係小啲手力都唔得！配合入面沙得黎又有咬口嘅芋頭，呢個名菜並唔係浪得虛名！
Post
