百樂潮州酒樓 (Closed)

昨天下午四週人滿為患，每一間食肆都有長長人龍，想著它不用等，就進去吧食物水準不穩，時好時壞，這次叫了雞絲粉皮，這酒樓竟然把一堆雞皮放進去充數，雞肉數量少得可憐……吃完主食我們叫了兩個甜品，想著叫侍應給一個小碗分著吃，剛有一個有一點地中海的男侍應經過，我舉手叫他给我一個碗，你竟然極無禮貌的問我要什麼，我以為我太細聲他聽不到，我再講多一次的時候，他竟然再問我要咩呀幾分鐘後他把一個碗很不禮貌的大力放在枱上，我真的覺得這是侍應應有的服務態度？？他看到我面色不佳，還跟同事訴苦覺得是我態度不好，之後他經過我的枱見到有吉的碗碟也扮看不見我付 300 元食一個午餐竟換來一肚氣🤬🤬🤬🤬🤬🤬🤬🤬🤬🤬酒樓老闆可否正視這些問題？這些趕客的員工可否教育一下？

滿意：環境清靜，干淨，員工有禮， 服務周到。點心味道尚可。不滿意：限時個半鐘，價錢偏貴、 必須安心出行、不接寫紙仔。不能使用消費卷。沒有鳳爪排骨飯總結：元朗酒樓很多、 很難吸引再次幫襯

帶子餃？今日到酒樓品嚐佢哋嘅點心，其中一款叫做潮州帶子餃，仲要每粒$14 ，本身以為帶子餃，應該主角係帶子，點知到上點心嘅時候，發現其實係蝦餃加上帶子，仲要帶子嘅形態居然比一支鉛筆擦膠頭嘅大細一樣，裏面隻蝦，仲大隻過粒微型帶子，仲要係得一粒，真係非常之珍貴！佢本身嘅蝦餃，就係$12一粒，當加咗帶子，就變成$14一粒，其實係咪有少少誤導咗食客嘅期望？有點失望！其實佢其他嘅點心質素係唔錯，就係差咗這一款潮州帶子餃！

今日約咗老豆去飲茶，第一次試潮州百樂，去到門口知道有8折所以好開心，可以食多幾樣點心，入到坐得好舒服，一黎到已經有4 杯正宗功夫茶俾我哋飲，服務好好，而家咁熱可以解下渴，同埋等緊餐果陣已經有個小菜酸菜食。望到餐牌已經見到好出名滷水，我都兩個人叫左7個點心，我哋叫咗燒賣，水晶包，棉花雞，薑汁糕，滷味，芋泥包全部都好好食😋，水晶包而家已經唔喺度度地方都有，可以食返童年嘅味道，滷水佢滷得都好好味，而我哋試咗個最特別係老干媽牛肉炒腸粉，好特別，唔似只係平時我地食開既牛肉腸叉燒腸蝦腸，所有食物份量都岩岩好，又無限時，可以坐好耐同屋企人傾下計，非常推介你哋去試吓，下次有機會想試埋晚餐。

因為好耐無食過潮州菜，之前未有限聚時就去咗食一坐低，店員即拎咗每人一杯嘅功夫茶，入口好甘味客人唔多，可以坐得好舒服胡椒咸菜豬肚湯招牌菜, 必試胡椒咸菜令到湯有少少辣味，飲落去暖胃豬肚有咬口，唔會有陣騷味出街食豬肚好怕洗得唔夠乾淨，會有陣味滷水雙拼盤嗌咗鵝片配墨魚鵝片入口好香，鵝片入味及嫩滑墨魚好有咬口石榴雞店員推介我地一試遠睇有啲似雲吞，上面有條菜絲包住，底下有啲芡汁，入面有了冬菇粒、沙葛粒、蓮藕粒、雞粒，幾特別魚香茄子煲上菜用原煲上，好熱辣辣魚香味幾濃，好夠熱，送飯一流最尾食完全部菜，店員再每人一杯嘅功夫茶。一試難忘!

12月29日去飲茶，見到盆菜的宣傳單張，睇落幾吸引，於31日致電訂咗一個12人盆，價值$1888，易日元旦自取，到取已覺得份量奇細，比其他供應商最少都少咗1/3。點知返家後開餐發覺蝦得10隻，鮑魚就11隻，蠔豉又係得10隻！其他墊底嘅主要係菜，扎肉。真係唔知邊門派嘅 「盆菜」？食材品質味道都一般過一般，連個盆都水過其他供應商（好多都供個正常嘅煮食煲），爛鬼銻盆一個！估唔到以「百樂潮州」嘅名牌，居然有啲咁水皮嘅出品。呢個盆菜最多价值$800，份量只可6～7人，千祈咪買

元朗形點店門口的女知客態度極為惡劣，明明係自己錯誤，仲要狡辯，同客人爭拗。客人 有三個人，已經拎咗張飛，當號碼叫到那位客人嘅時候，佢竟然同客人講嗰張係二人枱，叫客人等多一張，佢叫下一張飛先。但喺佢叫咗下張飛，帶咗之後個客人嗰陣，帶咗佢去一張細嘅圓枱，而且可以坐四個人嘅。簡直離曬大譜，個知客之前口口聲聲話嗰張係 二人枱， 但係最終其實係一張四人嘅細圓枱，佢身為一個知客，竟然咩叫二人枱都唔知，都唔識得分辨

做個孝順女，陪家中兩老到元朗遊玩兼覓食。老人家都係中意飲茶，所以午飯就選擇左黎百樂潮州飲茶。香煎蠔仔烙極力推介香煎蠔仔烙，試過唔同地方既蠔餅，有台式，閩南和潮州，款款都各有千秋。然而潮州呢款十分得我心，蠔仔烙兩邊都煎得香脆可口，蠔仔肥美鮮甜，份量十足，一點也不吝嗇，而且蠔烙入口唔會感覺太油膩，真係一舊接一舊食到停唔到口。蟹籽雞粒炒飯老人家嫌炒飯硬身了少少，味道相對一般4款點心百樂蝦餃皇，蟹籽粒燒賣，金銀蒜蝦春卷和椒鹽魷魚鬚)蝦餃燒賣一向飲茶必點，百樂潮州既點心用料十足，材料新鮮，食到爽口彈牙既魷魚和蝦仁，食完更加唔渴候。

環境舒適幹凈又有溫暖熱鬧氣氛，服務殷勤效率高，放眼所見，每圍枱嘅客人都係食得好滋味、傾得好開心。今日又特別試咗潮州滷水鵝頭，不愧為經典之作，鮮味入髓，外皮依然清爽，唇齒留香。之前都有同朋友去百樂潮州酒樓嘅銅鑼灣總店、旺角新世紀廣場分店，每次都會試下唔同菜式同埋點心，每一次都帶俾我哋極佳嘅體驗，感覺到店家嘅誠意、廚藝，既保留咗傳統潮州菜嘅熟悉風味，又不斷創新，令客人驚喜不斷，願意在此度過每一次嘅溫馨相聚。👍 👍 😋💞

我一個人嚟食朋友著重推薦嘅芋頭砂鍋飯，真心評語：芋頭松化有芋頭味，鹹豬肉粒香鹹適中，飯就粒粒都有油香，面上鋪花生粒有嚼頭，令到味覺非常有層次，唔會搶咗各自嘅味道，仲有驚喜係底下嘅薄薄哋一層泛著金黃色嘅飯焦，哇！贊！停唔到口。真正值得極力推薦！😁 👍 👍

今午我約了幾位老友記相約共聚在百樂潮州，我們點咗百樂蝦餃皇、蟹子粒燒賣、陳皮牛肉腸、潮式糯米卷、潮州蒸粉菓、淨鹵水鵝片、乾煎糖醋麵及反沙芋，似乎這是一餐好豐富的潮式飲茶盛宴。首先上枱的是這家的百樂蝦餃皇、蟹子粒燒賣，蝦餃皇吃來蝦肉都幾鮮，至於燒賣則入囗有啖啖細緻的鮮甜味。可是，百樂的沒驚喜之作，包括了陳皮牛肉腸、潮式糯米卷及潮州蒸粉菓，假如我用盲測試，我估計冇人能猜中哪一些是百樂的製作。當這次品味中陷入低潮之際，淨鹵水鵝片及乾煎糖醋麵是驚喜的一番之作，只因鹵水鵝片入味及嫩滑，入口感覺良好，而乾煎糖醋麵則很脆及很有趣，配合糖醋而食，味道升華不少。壓軸是反沙芋，我很幸福能嘗試了這特式的潮州甜點，這甜點，外層很甜又很脆，可是内𥚃的芋條好似不夠新鮮。最後，我建議百樂能在其潮州名點中再研究一下，試試可否提㫒其口感，好讓衆客人能完餐後，帶著幸福感離開。

今晚放工同主子黎元朗潮州百樂食晚餐, 飲茶就試得多, 晚餐第一次, 飲茶其實選擇都不多, 晚餐都叫做多少少, 走中上價錢路線,第一道菜叫做炸普寧豆腐,一碟豆腐裡有兩種豆腐 配以九菜鹽水做汁, 汁既味道不錯, 豆腐開頭以為平平無奇, 但食落原來由兩樣豆腐造成,黃同白, 充滿驚喜, 之後一次過就上埋蠔仔粥, 粉絲雜菜煲同埋炸雙棗(蝦丸同蟹丸), 蠔仔粥夠鮮味, 仲有些魚乾配搭, 好好味, 雜菜煲大大煲, 足料, 我喜歡炸雙棗, 蟹丸食到一絲絲蟹肉, 蝦丸夠彈牙, 兩棗都配以馬蹄, 好爽口, 最特別係個醬汁, 甜甜地, 好好味, 呢一餐人均都要220蚊左右, 唔算抵食

第一次到潮州百樂酒樓吃潮州菜。平日酒樓有正宗潮州風味套餐（$538），可選1款鹵水，1款湯，2款小菜，2個人食已夠吃了。鹵水類我選了鹵水鵝片肉，鵝片是薄片，下而鋪滿鹵水豆腐，沾蒜蓉白醋吃，幾開胃。湯水類我選了胡椒燉豬肚湯，用料超級夠，豬肚夠淋，落左好附咸茶同胡椒，成個湯好夠味。小菜選了芋蓉香酥鴨，芋蓉好綿好香，皮好薄，超級推薦吃這款手工菜。另外，也選了沙茶醬炒牛肉銀牙，銀牙沾滿沙茶醬，好夠味，配飯吃好不錯。吃完後，侍應還送上功夫茶，我喜歡佢的回甘味。現在有功夫茶喝的地方真的少之有少。

今日……11:45p.m 去到元朗形點分店，喺門口拎咗 2 人飛等位。直至12:00p.m…… 仲有一張枱就有位，當時叫到 A013。去到 12:10p.m，有兩個人拎住張 A013 嘅飛嚟俾個「黑衫知客」，跟住個「黑衫知客」之後就即刻帶咗佢入去話有位。跟住我同個「黑衫知客」講，你之前已經叫咗個number，唔係應該係補飛㗎咩？佢話佢哋間酒樓唔係咁喎~p.s 簡直奇怪。出面其他食肆都係會補飛㗎啦！如果個個都係咁嘅話，對其他等緊飛好唔公平囉！而且門口個知客仲經常攞佢自己個手提電話出嚟講電話。

是日懶懶地唔想煮午餐 一家三口試下去呢度飲茶先 11點幾黎到 等5分鐘內就有位啦餐前功夫茶 連埋壺茶同餐前小食一齊到 清清喉 老公話功夫茶可以再苦啲 但我覺得OK咸菜小食 $12 調味及軟硬度都剛剛好餐廳有BB凳提供 而且仲係夢幻粉紅色家鄉銀針粉 $58 銀針粉脹卜卜爽彈好味 湯底帶有蝦乾香但又不會過咸 嬰女皇都好愛吃椒鹽魷魚鬚 $48 粉漿不會過厚 魷魚彈牙 再肥美啲就好了香滑布拉腸 $31 老公粉碎完先影不夠滑 食落很實 平日很愛腸粉的嬰女皇也不encore芋茸珍珠露 $26 呢個好唔好味就見仁見智 事關佢個味係椰汁芋頭西米露走椰汁 係好淡口而帶有陣陣芋香既 西米亦晶瑩彈牙 個人同嬰女皇都愛反沙芋 $108 唔係度度有得食 有亦唔代表整得好食 呢間真心好味 外層甜度剛好 芋頭亦夠香夠粉雀巢芋香盒 $48 我想用「juicy」黎形容真心唔乾又香口 陳皮牛肉球 $31 OK牛肉球普普通通 腐竹變左椰菜 唔太愛鵪鶉蛋燒賣 $35 OK正常味道 不驚艷鹵水凍千層峰 $48 千層峰（豬耳）重重紋理睇落係幾靚 而且製作仲好考功夫 可惜鄉民如我們 還是對有鹵水汁 實實在在的鹵味更有興趣今餐好豐富