Video
Read full review
2013-02-03
1995 views
行完河背水塘，返回元朗，當然要嘆番一下！朋友預約左西菁街的法國餐廳－－Le Cafe Du Mont Blanc。 餐廳六點半先開門，我地早左到達，好在侍應俾我地入內坐住等。 餐廳好細間，只可以容納三十人左右，一定要預早訂位。環境好雅致，雖然座位與座位之間都幾密，但可能樓底高，加上大家唔太大聲傾偈，所以都唔覺無私隱。不過，好笑在每一檯人都忙住影相，影環璄，影食物，同影人，無論老中青都不例外，真係潮流興Share啦～ 食物方面，有湯、主菜、小食、甜品、飲品等，散叫又得，加78蚊可以變套餐，我同朋友都一致決定轉套餐（包麵包、湯、主菜、甜品同飲品）。 主菜方面，雖然有七八款選擇，可惜主要係牛、羊和鴨，合我胃口的只有意式雲吞同三文魚，結果我揀左三文魚，朋友就揀左酥皮牛柳。大家亦同時再加12蚊，轉甜品做心太軟。 ＊磨菇湯：我地兩個都讚不絕口，湯固然夠熱，而且味道相當濃郁，超正！ ＊三文魚：最初以為法國餐的主菜的的式式，但奉上來的三文魚扒卻大得很，配上檸檬汁，好開胃，不過件頭實在大，所以都幾漏，以致忘記伴碟的芝士薯仔。好在侍應提醒，話呢堆唔起眼的芝士薯仔，好多客人好鍾意吃，叫我千祈唔好錯過。飽著肚
行完河背水塘，返回元朗，當然要嘆番一下！朋友預約左西菁街的法國餐廳－－Le Cafe Du Mont Blanc。餐廳六點半先開門，我地早左到達，好在侍應俾我地入內坐住等。
餐廳好細間，只可以容納三十人左右，一定要預早訂位。環境好雅致，雖然座位與座位之間都幾密，但可能樓底高，加上大家唔太大聲傾偈，所以都唔覺無私隱。不過，好笑在每一檯人都忙住影相，影環璄，影食物，同影人，無論老中青都不例外，真係潮流興Share啦～
食物方面，有湯、主菜、小食、甜品、飲品等，散叫又得，加78蚊可以變套餐，我同朋友都一致決定轉套餐（包麵包、湯、主菜、甜品同飲品）。
主菜方面，雖然有七八款選擇，可惜主要係牛、羊和鴨，合我胃口的只有意式雲吞同三文魚，結果我揀左三文魚，朋友就揀左酥皮牛柳。大家亦同時再加12蚊，轉甜品做心太軟。
＊磨菇湯：我地兩個都讚不絕口，湯固然夠熱，而且味道相當濃郁，超正！
＊三文魚：最初以為法國餐的主菜的的式式，但奉上來的三文魚扒卻大得很，配上檸檬汁，好開胃，不過件頭實在大，所以都幾漏，以致忘記伴碟的芝士薯仔。好在侍應提醒，話呢堆唔起眼的芝士薯仔，好多客人好鍾意吃，叫我千祈唔好錯過。飽著肚食埋佢，果然好好味，芝士混和忌廉洋蔥的薯仔好入味，正！
＊酥皮牛柳：同樣好大件，朋友覺得味道很好，而且製法獨特，不過分量實在太大，最後都食剩少少。
＊心太軟：新鮮熱辣炮製，飽極食落肚都覺不枉此生，若朱古力流心再多些，再溶些就仲正。
餐飲方面，我飲凍檸茶無咩特別，朋友就嘆咖啡，覺得幾正。其他檯的客人則叫蘋果酒，好似幾好味咁，大家不妨試試。
埋單，兩人合共592元，以法國餐來講，食物水準唔錯，呢個價錢絕對唔貴！
Post
