新記煲仔雞粥 (Closed)

呢間係屹立又新街好多年的老字號了，我幾鍾意佢提供既菜式，介乎大排檔與粥舖之間咁😆最出名係貴妃雞粥，特別在隻雞有淡淡藥材味，雞粥綿滑富雞香。今次我食貴妃雞豬潤粥（$57），貴6蚊但有好多塊豬潤！都幾抵😆點埋炸兩（$19）送粥😚-呢度有好多小食，信我，通常係見到隔離枱食乜就會忍唔住叫果樣🤣當中包括唔係度度有得食既乳鴿（$59），好耐無食過啦😍，都幾有肉地，點埋淮鹽食，懷舊又美味。-炸魷魚鬚（$49）又係差唔多每枱一碟，份量都幾多！是偏小的魷魚鬚，有點過硬，但就炸得乾身不油膩，我覺得呢碟野送酒一流，唔飲酒點杯冰凍五花茶（$9）也很不錯！-海蜇手撕雞（$49）又係招牌菜，是涼菜，海蜇超長！很彈牙，加上麻醬混了雞肉，都重口味嫁，口感幾豐富。-留意番，佢閒日淨做晚市嫁。呢度環境唔算寬敞，但都算光亮整潔，好多街坊黎食。