生生市場 (捷榮樓)

Open Now

Now Closed

是日放假係家溫書午餐想買外賣又想食下韓國野上網搵到元朗千色對面有間係做外賣同到會落左單等15分鐘就有得攞～包裝都好穩陣袋口有膠紙貼實～搭761p番到天水圍上樓都無任何漏湯既情況我地叫左K1 烤牛肉紫菜飯捲$50K2 辣豬肉紫菜飯捲$48兩盒份量都好大，有3層12件除左牛同豬唔同之外，配料都有青瓜，紅蘿蔔絲，蛋，醃蘿蔔，口感層次豐富，好有韓式住家feel。麵：N3炒年糕拉麵$58年糕煙un，都有6件左右，拉麵吸晒年糕甜辣汁，好惹味，仲有半隻蛋，好多塊魚餅。湯：T3韓式海鮮嫰豆腐湯配白飯湯小小辣，唔會太咸，除左嫰豆腐，蜆，金菇，魷魚鬚，唔錯拎到番去仲熱辣辣。另外叫左個涼拌醬菜B6 涼拌豆芽 (S) $25～清新爽脆醃菜B20 醃牛蒡 (s) $40呢個好有驚喜，甜甜地好脆口，醃飯配粥都一流，雖然叫細size但滿滿一盒。啱先都有問過到會係幾日前，原來平日即日叫夜晚都可以送到。係大時大節聖誕或新年就要3日前。幾方便～懶唔想煮果陣，或者開party啱晒。