越北牛肉粉專門店

Open Now

Now Closed

越北牛肉粉專門店今日要介紹喺元朗順福糧倉地下有一間越南菜餐廳叫「越北牛肉粉專門店」，呢間越南菜餐廳門口係有一級，但係有一個方法係唔使帶斜板都可以入到餐廳入面，就係驚左邊「馬六」餐廳門口有斜路，再經過餐廳後面嘅廚房打橫碌過去就會到「越北牛肉粉專門店」餐廳，兩間餐廳店員都好細心帶領我行過去，我自己都係第一次由隔離間餐廳碌去想食嘅餐廳，兩間餐廳通道雖然比較窄少少，但係食客都願意離開張凳一陣讓我碌過去，呢次體驗都好特別，唔錯！1.越北火車頭（生牛肉、牛展、牛肉丸）$68+蜆港炸蝦餅（半份）$28+三色鹹檸七$8（9/10）呢碗越北火車頭河粉配料都幾多，入面有大約3大片生牛肉、3片好淋身嘅牛展同3粒好彈牙嘅牛肉丸，仲加咗半份蜆港炸蝦餅，蝦餅外面微脆，大約有6片蝦餅左右，下午茶套餐加$8就可以叫一杯三色鹹檸七，鹹檸七係跟一罐7UP汽水，唔錯！2.越北四寶 配：米飯（香茅豬扒、香茅雞翼、扎肉、蛋餅）$72+越式酸辣鳳爪$28+薄荷青檸梳打$8（9.5/10）呢碟越北四寶飯份量都超多，配料有大約切開6舊嘅香茅豬扒、2隻香茅雞翼、2片扎肉同1舊蛋餅，仲加咗越式酸辣鳳爪，大約有6舊酸酸辣辣嘅鳳爪，下午茶套