Video
Read full review
2022-04-04
193 views
點解今次我會用喫茶店唔係叫Cafe咩？因為係日本黎講，喫茶店係只提供咖啡、紅茶、輕食，而Cafe則可以提供埋正餐同酒類。呢間係元朗新開既喫茶店主要提供數款甜品同飲品，店名Find the way應該係中島美嘉既歌名，門上仲印左首歌既歌詞言葉なくても 飛ぶはねはなくても。店內只有200尺同8席既吧台空間，雖然空間唔大但座位後都有掛勾同衣架比客人掛外套或者袋，好貼心👏🏻吧台既好處，就係可以望住兩位店主為客人即場製作，仲可以交流，拉近人與人之間既距離☺️今次週末1點半左右黎到，都等左三張枱，預大概等左半小時後入座，入座後開始多人等位，如果大家唔想等咁耐記得避開下午茶個d時間啦～.楓糖漿鬆餅配飲品 HKD80由於係即叫即做，所以會需要少少時間！Menu上有兩款set，一款係意式蔬菜湯配飲品，而我揀左鬆餅set，鬆餅set既話得一塊🥞如果單點可以揀單份或者雙份～鬆餅送上時熱辣辣，面頭有一小塊牛油，而楓糖漿係另上，可以按自己個人口味落個份量🍯咁比我緊係一次過落曬…😆鬆餅好鬆軟！ふわふわ！！亦都好香蛋味，質感濕潤，意外地好喜歡！因為本身好驚口感乾既蛋糕所以比較喜歡梳乎厘pancake，但佢不但濕潤度啱
呢間係元朗新開既喫茶店主要提供數款甜品同飲品，店名Find the way應該係中島美嘉既歌名，門上仲印左首歌既歌詞言葉なくても 飛ぶはねはなくても。
店內只有200尺同8席既吧台空間，雖然空間唔大但座位後都有掛勾同衣架比客人掛外套或者袋，好貼心👏🏻吧台既好處，就係可以望住兩位店主為客人即場製作，仲可以交流，拉近人與人之間既距離☺️
今次週末1點半左右黎到，都等左三張枱，預大概等左半小時後入座，入座後開始多人等位，如果大家唔想等咁耐記得避開下午茶個d時間啦～
.
楓糖漿鬆餅配飲品 HKD80
由於係即叫即做，所以會需要少少時間！Menu上有兩款set，一款係意式蔬菜湯配飲品，而我揀左鬆餅set，鬆餅set既話得一塊🥞如果單點可以揀單份或者雙份～
鬆餅送上時熱辣辣，面頭有一小塊牛油，而楓糖漿係另上，可以按自己個人口味落個份量🍯咁比我緊係一次過落曬…😆鬆餅好鬆軟！ふわふわ！！亦都好香蛋味，質感濕潤，意外地好喜歡！因為本身好驚口感乾既蛋糕所以比較喜歡梳乎厘pancake，但佢不但濕潤度啱啱好得黎有少少咬口，而且落埋味道偏溫和既楓糖漿都唔會搶左蛋香味☺️
楓糖漿鬆餅
27 views
0 likes
0 comments
24 views
0 likes
0 comments
6 views
0 likes
0 comments
牛奶濃縮咖啡
套餐配一款HKD40飲品，揀左Flat White☕️拉花好靚啊✨飲落口感好滑好smooth，奶同咖啡比例啱啱好，唔會話好苦～而且隻成套杯碟好靚啊，白色底色，綠色花邊同綠葉再有數朵紅色花點綴❤️
牛奶濃縮咖啡
10 views
0 likes
0 comments
雪糕梳打 HKD50
老實講見到有呢款夢幻雪糕梳打既時候就bookmark左一定要黎，因為係香港好少見，對上一次已經係2年前係日本去一間由昭和時代開既喫茶店既時候飲，真係勾起我既回憶🥺
雪糕梳打有兩款口味，可以揀蜜瓜或者藍橙，蜜瓜的話係青色，藍橙的話係藍色，兩杯既顏色都好夢幻！而且面頭仲有黎糖漬櫻桃十分搶眼🍒今次我揀左蜜瓜味，黎到杯飲品青bb真係好得意，飲落好香蜜瓜味🍈雪糕係雲尼拿味，攪拌後飲落又唔同左味，變左帶奶味既蜜瓜梳打，飲到停唔到口！唔知藍橙會係咩味呢，下次黎再試下😋
雪糕梳打
19 views
0 likes
0 comments
雜果賓治忌廉蛋糕 HKD50
呢款蛋糕好似漫畫咁，四四方方，一層一層既海綿蛋糕同忌廉，中間再夾住唔同生果，例如士多啤梨、青提子、橙，生果一d都唔酸，連埋忌廉既甜味啱啱好幾清新，而且海綿蛋糕好濕潤！重點係蛋糕上面再有黎士多啤梨點綴，不過得半粒…🥺🍓 不過影相效果滿分📷係一款一年四季大人小朋友都啱食既甜品💖
雜果賓治忌廉蛋糕
31 views
0 likes
0 comments
講多少少，店內既杯碟每款都好靚好優雅，同埋唔係清一色一樣架！睇落似每一款都獨一無二，大家都可以期待下到自己既時候會係咩既杯碟👏🏻
踏入4月Menu都有新品上架，例如藍莓醬芝士乳酪凍餅、焦糖雞蛋布丁，亦開始提供客席單品手沖咖啡，咖啡豆用來自日本長崎既Karimons Coffee Roaster。有興趣既朋友記得黎試下啦！
.
Find The Way
地址 ｜
元朗屏會街9號同發大廈地下P3號舖
Post
