魚眾不同酸菜魚 (紫荊樓)

Open Now

Now Closed

超抵食！與眾不同的「魚眾不同」酸菜魚！天時越來越熱容易無胃口，想食「重口味」少少嘅嘢，酸菜魚一定唔可以錯過啦！酸酸辣辣十分開胃！😉我同朋友都係十分鐘意食酸菜魚，今日特登入元朗嚟食呢間酸菜魚。🐟魚眾不同 係同事推薦嘅，酸菜魚十分出色，咁我哋就試下酸菜魚到底有幾與眾不同啦！😝餐廳環境唔錯，乾淨闊落，坐落都幾舒服，仲有二樓。Menu見到都有好多唔同嘅菜式，每一款都好吸引😍見到一人份量系列，有一款主題+湯底+贈送兩款美食+贈送一款主食，好豐富。仲有辣同唔辣可以揀，就算食唔到辣都可以食到酸菜魚！😊🐟鱸魚片+老壇酸菜湯+白蘿蔔+黑木耳酸菜魚真係好大碟呀！有辣椒與花椒等辛香料，辣度適中，唔會辣到食唔到😄最緊要係份量十足呀！！除咗有鱸魚片同酸菜之外，仲有其他配菜，白蘿蔔好腍，黑木耳爽口，裡面仲有萵筍爐魚片魚肉十分嫩滑，而且幾乎食唔到魚骨，亦完全沒有魚腥味酸菜魚一定要飲酸菜高湯，又酸又辣亦飲到鮮甜滋味，好好味呀！😆🌶️山城毛血旺+萵筍+金針菇除咗酸菜魚之外，毛血旺亦都係特色川菜之一，毛血旺份量都好多！😱係麻辣口味，辣度會比酸菜魚再辣少少裡面有大大塊又爽口嘅毛肚、嫩滑鴨血、芽菜、肉腸，加埋送嘅萵筍同金針菇，