天澗居酒屋

Open Now

Now Closed

買咗12月機票去日本，但係都好想食日本嘢食特別係刺身壽司 ，一於今日食日本菜止下渴先。朋友特登揸車一齊入元朗食嘢，泊咗喺附近咪錶位，12點都好容易搵位。餐廳門口裝修好有日本風，午市選擇有14 款。總有一款啱食 。朋友食天潛澗特上刺身丼$288值得一讚 ，年輕嘅女員工仔細解釋每款刺身嘅名稱同埋特色，刺身丼最特別嘅地方除咗係好新鮮之外仲有個飯用醋同埋切粒冬菇取代白飯，好有心思 。汁煮鮑魚，赤貝，海膽都非常出色鮮甜。壽司12貫御膳 $228好老實講呢個價錢可以食到呢個質素，真係可以每個月都嚟食。深海池配辣蘿蔔蓉好彈口，帶子肥美，金目鯛魚，鰻魚，三文魚子 ，最出色係蟹子蟹肉好大啖蟹肉，玉子燒口感好似蛋糕係佢哋自家製嘅。我哋仲追加咗兩款小食忌廉薯餅味噌豆腐。整體都好滿意成餐飯，對於新界朋友嚟講係絕對需要收藏嘅 。4月內 仲做緊九折優惠 。