麵麵俱到

Open Now

Now Closed

麵麵俱到 (元朗)❣️呢間位於鳳攸南街小巷中的隱世小店，入面細細間，裝潢充滿日式風格，好有心思。呢度主打日式麵條🍜有不少麵底喝和湯底選擇。中午時段可以選擇套餐，相當抵食。🌟日式濃汁牛肋條壽喜燒湯烏冬豐盛的一碗！湯底採用牛骨湯底，簡直係靈魂之作。再加上日式濃汁，味道甜甜酸酸。讚岐烏冬口感煙韌，非常掛汁入味。牛肋條有三大條咁多！唔會太冧太軔，充滿口感。🌟蟹肉海老味噌蝦湯超級足料！有蟹肉鮮蝦之餘，配料豐富。湯底香味令我有回想起北海道拉麵，味噌湯底先鹹後回甘，蝦味濃郁。鮮蝦爽口彈牙。🌟黑松露醬薯條🍟薯條粗幼度剛剛好，新鮮現炸。外脆內軟，加上黑松露醬真係超級好味，停唔到口。🌟唐揚炸雞即叫即炸，炸粉薄，火候控制得啱啱好。外脆內嫩，內裡嫩滑多汁。鹹香可口，超惹味。