古味坊 (Closed)

元朗大棠路附近真係好多好野食，每次行過見到有咩新開嘅鋪頭都會買返去同BB試，令我哋簡單嘅生活保持新鮮感，又可以過下口癮，見到呢間古味坊，唔少經過嘅人都會買，加上每次經過都閒到超香蛋味，決定試試佢！呢到有好多種味道，總有一款啱心水，我就揀咁BB最鍾意嘅芝士——雙重芝士蛋糕。就咁睇都feel到會好食，蛋糕多氣孔，姐係夠軟熟，入面有兩層芝士，好足料，見到佢瀉哂出嚟，上面仲有好多椰絲同脆脆，睇店員切都流晒口水。返到去食蛋糕好軟淋淋好香，芝士好濃，但係唔會搶咗蛋糕嘅蛋香，配合得好好，又甜又咸，每得都食得好過癮，非常高質，下次要試埋其他味！