海皇粥店 (西菁街) (Closed)

近排天氣咁凍，過年又食咗咁多肥膩野，係時候要食返碗粥減輕腸胃負擔又可以暖下身，住喺元朗，就即刻諗起海皇粥店！千色店的分店原來已經搬咗，行前少少就會見到。菜乾豬骨粥，鹹鹹香香，粥底綿綿。油炸鬼，非常爽脆，即叫即炸！新鮮蒸鯇魚，即叫即蒸，大概十多分鐘就到，魚肉很滑，60多元價錢很不錯呢！豆漿不太甜。即拉叉燒腸，餡料豐富，啖啖叉燒！雖然搬咗位置，但係地點都好方便，服務亦好好，人均幾十元消費的餐廳很不錯吧！