海皇粥店 (西菁街) (Closed)

次次食都見有蟲，點攪，外賣返到屋企見到打去同佢講，工作人員問返我係咪之後飛入去，我話你俾我到屋企前都無開過，佢又推唔係佢包睇唔到，你唔係第一次啦，鋪頭出品邊個都要睇啦係咪？你賴其他同事無意思，係你鋪運作問題，我俾錢買嘅唔係見到粥有隻嘢嚮入面問你邊個同事叫咩名，你哋快啲攪好衛生啦，大家都食得安心

油條缩水，好细條，比已前细左2份一，唔知係咪比左迷你版我，如果唔係就真係已後唔洗幫襯啦，之前都有食開，唔係咁樣的，今次真係唔得。糭唔熱，硬硬的，又细隻，一D都唔值，超差

今日食評✍🏻海皇粥店@元朗試食指數⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·午餐點了1️⃣魚腩(魚頭)粥@$42媽呀！如果有魚頭我係唔會叫呢個粥當我叫魚腩粥時姐仔係應我魚腩粥佢應該問多一句淨魚腩！？咁會好少少因為鍾意食魚腩嘅人唔一定鍾意魚頭㗎😫今次係最差嘅魚腩粥腥、碎完全唔知食緊乜附送的半條油炸鬼硬、油2️⃣蒸蘿蔔糕足料但唔夠熱$20係ok·海皇係我細細就識嘅粥店連鎖式經營應該做得好啲反而仲差過啲街坊粥店。。。·疫情下的食肆無論大鋪小店我哋都會盡試盡講Follow我哋bw.foodie

星期六和朋友一齊出去食下午茶，元朗西菁街見到海皇粥，即刻好想食粥，就入去幫襯下佢；入到去坐位都好闊落，坐得好舒服，我見到佢嘅下午茶，真係都好抵食！噤就叫咗個炸腸和蒸蘿蔔糕套餐下午茶，再加個雙拼生滾粥套餐！話咁快個套餐就嚟到喇，可惜炸腸入面包住嘅油炸鬼明顯唔脆，腸粉還可以；蒸蘿蔔糕就比較硬咗啲，可能用嚟煎比較合適；而生滾粥就做得唔錯，豬潤算淋滑，牛肉算爽口，粥底都算綿，有水準！而跟生滾粥嘅油炸鬼，雖然得半條但都好脆；而下午茶套餐重有熱飲品跟餐，性價比高！整體來說，下午茶餐比較抵食，但質素一般；至於生滾粥就唔錯，但不屬於下午茶，所以價錢比較高一些！

今早遲左起身, 無食早餐下返到公司, 到9點幾時實在太肚餓, 於是再一次FOOD熊貓叫左海皇既粥粥套餐。都算非常抵食, 35蚊有個皮蛋瘦肉粥, 仲有一份腸份, 皮蛋瘦肉弼都好多料, 超多我最喜歡既皮蛋, 而且味精唔算太重, 唔似其他粥店咁超重味精。腸粉尚算OK, 以呢個價錢黎講都無咩野好挑剔。可能太耐無食海皇粥店, 感覺比以前好食左(可能又係我今早太肚餓了)

近排天氣咁凍，過年又食咗咁多肥膩野，係時候要食返碗粥減輕腸胃負擔又可以暖下身，住喺元朗，就即刻諗起海皇粥店！千色店的分店原來已經搬咗，行前少少就會見到。菜乾豬骨粥，鹹鹹香香，粥底綿綿。油炸鬼，非常爽脆，即叫即炸！新鮮蒸鯇魚，即叫即蒸，大概十多分鐘就到，魚肉很滑，60多元價錢很不錯呢！豆漿不太甜。即拉叉燒腸，餡料豐富，啖啖叉燒！雖然搬咗位置，但係地點都好方便，服務亦好好，人均幾十元消費的餐廳很不錯吧！

近排天氣逐漸寒冷，經常打邊爐，係時候要食返一啲清淡啲嘅嘢，吃粥便最好不過，在元朗吃粥的地方很少，通常只會去海皇粥店，品質保持一貫水準，原來千色店的分店已經搬到好順泰那邊，都是行前幾十米，都算方便。門店光線充足，十分醒神！這裏除了粥品外，還多了很多家常菜式，店長推介即蒸鯇魚，新鮮的鯇魚，加上少許冬菜，已經非常鮮味，配白飯一流，炸兩做到皮薄油炸鬼好脆，xo醬煎蘿蔔糕十分嘢未，人埋均消費都只不過是數十元，難怪在元朗數十年，實有一班支持者！

天氣轉冷，吃粥便最好不過，元朗吃粥的地方不多，要方便和整齊企理的當然要到海皇粥店，總有一間在附近，發現原來千色廣場的分店已搬到去譚仔對面。雖然搬了，但都係好方便，由嘉城廣場到千色店和現在的順泰分店都一樣整潔企理，新的分店不是很大，但燈火光明，十分整齊。店內除了有生滾粥外，還有各式各樣的即炸油器，即炸油器都是幾元一件味道也很不錯呢，即拉腸粉皮簿料多了，配上豆漿很健康，人均消費都只不過是數十元，現在還多了一些麻辣粥，多了很多不同口味呢！

每當想吃粥都會想起海皇，算是粥界的平民米芝蓮吧😂海皇現在很多元化，除了粥品和油器之外，還有很多西式菜式，沙嗲牛肉公仔麵傳統地道港式早餐都有，還有奶茶咖啡呢😍😍經常會推出一些時令的菜式，包保有新鮮感，這次有福，有這碗西洋菜豬潤生滾粥超級正！西洋菜嫩嫩的，豬潤火候拿捏得好，夠爽夠鮮甜！不會浪費，都吃光光🤣🤣XO醬煎蘿蔔糕，份量超大XO醬好多啊！滿碟都係XO 醬🥰🥰每人$40-50食到飽飽，果然好選擇👍👍

早餐想吃粥，元朗千色海皇粥店搬到西菁街，地方更加大，食物質素保持到👍👍店員姐姐好親切，有點家的感覺🥰🥰最愛生滾豬膶粥，非常鮮味豬潤剛好熟👍份量很多，加少少薑絲可以癖腥，鮮味更加突出😆蝦腸即叫即做，比得上酒樓😌😌蝦的份量玩很多，而且很大隻👍一碟有四大條油炸鬼煎堆都熱辣辣脆卜卜，完全沒有油憶味，卻多了一份香口👍👍現在海皇選擇真的很多！還有很多特惠套餐選擇，夜晚還有飯餐，下次試試😆

天氣涼涼地，晏畫去千色店海皇粥店開餐+行街，去到至發現搬咗去西菁街，好彩行去後面街咋😆除咗粥品、油器外，還有湯飯、湯麵，連滷肉飯都有，夠曬多元化👍番茄牛肉湯飯啲餸同飯量幾多，牛肉正常，值得一讚係個蕃茄湯非常辣嘴， 夠曬熱😚 估唔到🍅同芫茜又夾喎， 🍅味道濃沃，唔係重口味死鹹嗰隻👍生滾西洋菜雙丸粥+半條油條粥底鹹香幾滑，鯪魚頭丸幾實在、爽口， 沒有腥味👍 另一款應該係豬肉丸，食落比較粉😆西洋菜好新鮮、爽口清甜，落多少少就好啦😚炸腸必叫， 腸粉皮薄身， 油炸鬼香脆，夠曬熱氣😚手抓餅餓底朋友口痕，叫多樣野食，四款配料任選兩種，芝士同蛋是不二之選，雖然跟台灣沒法比， 但都👌👩‍⚖ 都有段時間冇嚟，食物多元化咗, 搬咗新店，升級用ipad點餐，雖然姐姐操作有啲唔順手😆

天氣凍，就好想食碗熱辣辣既粥，發現海皇粥店唔見左！！！原來搬左去後面，入到去，嘩，原來而家呢度除左粥，仲有各式各樣的食物，肉燥飯又有、米線又有、連部隊鍋都有？！實在令人大開眼界。但放眼望去，還是食粥、炒麵腸粉油器的人客多，也許和我一樣，入得海皇粥店還是想吃粥的吧，何不由粥方面加新意呢？粥底海鮮火鍋更吸引呀！反正香港人咁鍾意打邊爐🤣-說回正題，我點了生滾西洋菜豬潤粥（$41 ）配油條半客，油條卜卜脆，粥又大大碗，豬潤份量多。另外點了我兒時難忘的蒸蘿蔔糕（$18），感覺很親切，就是喜歡它方方的切割，淋淋的質感，沒有太多配料的簡約，完全是兒時的味道。炸腸（$22），忘了粥送了半客油條，又點了一客炸腸，相比下，還是淨油條較好吃，比較脆身。屋企人食及第粥$41，同我果碗一樣咁大碗，+$10要了炒麵，這個清清地，味道配粥的確一流，抵加。

住係元朗幾年，海皇都搬左三次舖，又嘉誠搬去千式，而加又搬左黎喜尚喜隔離。有時想食下粥都會諗起佢，呢幾日天氣咁凍，食粥就啱晒啦。新舖位置～好似啱啱開係呢度？上星期行過都唔覺眼。牆邊位滿座，咁就坐圓枱啦，一個人霸張圓枱有啲唔好意思。枱上有調味品，枱邊櫃桶內有餐具，自助好方便。點了西洋菜雙拼丸粥配油條半客，再加了熱豆漿（$47）。個碗都幾深，丸有六粒，西洋菜下得也多，份量足。雙丸中其中一款係鯪魚球，幾爽口無腥味。另一款似係豬肉丸，不確定，哈哈，食落較“粉”。粥底鹹香，食到尾都無出水，整體感覺不錯。都已經係晚上九點多，油器不可能係新鮮吧，無淋無漏氣就收貨了，浸係粥入面都唔知幾好味，食粥一定要有油炸鬼～食完粥仲口痕，多點了一客牛肉腸（$23）。即叫即拉的，腸粉軟腍超多牛肉，最正係多芫荽，加埋甜豉油就係好味。熱豆漿不太熱，但豆味濃又不甜，幾好飲。晚上九點半來到，見佢寫住收十點，以為會趕客，點知又唔係喎，大把客遲過我入黎都可以堂食，最誇張係有一枱九點五十分入到黎，叫左粥，炒麵同腸粉，十點邊趕得切呀，聽啲員工傾偈講話又要加班了，哈哈，不如改收晏啲啦。