叁淥火鍋 (Closed)

本身住係元朗，識得搵隱世美食！呢間店既位置較隱蔽但其實都好近西鐵站，之前食過一次回味無窮，新鮮精選食材，食到食物既鮮甜味，用心經營!湯底：芫茜皮蛋湯今次清清地想食到食材鮮味，就叫左芫茜皮蛋湯！芫茜同皮蛋都好足料，打邊爐前忍唔住飲左兩碗湯，正！配料首推手打蟹籽墨魚丸，因為佢唔係急凍店果款墨魚丸，佢係真手打！食到墨魚既鮮味同口感，加埋蟹籽口感更加豐富！鬼馬雙星夠特別，係油炸鬼釀蝦肉，可以當小食就夠食亦可以點湯食！西班牙無激素豚肉片，雖然係豚片，但因為夠薄所以好快熟，味道濃而不腥。特別推介新鮮鵝腸！自從學識左打邊爐食鵝腸，鵝腸就成為打邊爐必點！新鮮鵝腸勁爽勁香！唔駛擔心會肥，因為淥完d脂肪會溶左一大半，淨番少少脂肪同油香，勁正！店員見你淥完鵝腸會好體貼咁幫你撇走曬啲肥油，貼心服務田園菇菜拼盤打邊爐食埋菜健康d， d菜索哂d湯汁，好正，而且d菜勁新鮮幼嫩，唔會黃葉。黃金炸魚皮極多咸蛋，超邪惡可以點湯食又得就咁食都好好味！哈密瓜沙冰＆西瓜沙冰必點推介！ 係用新鮮水果打成沙冰，唔係就咁加糖水，所以唔會死甜，超級好味！ 飲落去透心涼，配打邊爐一流！整體而言，出色既火鍋店，新鮮精選食材，值得專程去食