Video
Read full review
2022-09-18
64 views
元朗站📍Sage Bar & Restaurant -星期五食返餐好，好耐冇食西餐既我地發現馬田附近開左幾多餐廳🍴Sage set for two($489)呢個set有餐湯、主菜同homemade gelato。每人有一舊餐包，外脆內軟，配埋olive oil都唔錯。餐湯係粟米湯，細碎粟米🌽口感，幾濃身。主菜有香烤乳豬卷配鼠尾草燒汁同埋自家製香料烤春雞配洋蔥燒汁。乳豬卷幾特別，上台睇細唔算太大舊，但食完都幾飽！乳豬皮少煙靭，唔係平時中式個種脆卜卜既口感。乳豬卷內仲有滿佈香料既肉碎餡料，兩重口感。肉質都幾嫩身，啖啖肉，岩晒食肉獸，配埋鼠尾草燒汁更惹味。配菜有奶油焗薯片，呢個有驚喜，幾滑幾creamy😋😍如果再大舊d我都一定食得落😼😼烤春雞就比較重口味，餐廳用唔同香料醃製同烹調，有少少Barbecue既風味。雞肉唔算好嫩滑但唔鞋身，多肉少骨，切起上黎都幾方便。洋蔥汁配埋呢個烤雞都幾夾。配菜同樣有奶油焗薯片😋最後食埋球雪糕🍨朱古力味Gelato😍🤪好香濃、綿綿口感，仲有chips😋🙌🏻一球唔夠喉！環境方面，餐廳都幾開揚，環境幾舒適，同朋友gathering係唔錯既選擇。餐廳環境唔會太暗，如
-
星期五食返餐好，好耐冇食西餐既我地發現馬田附近開左幾多餐廳🍴
Sage set for two($489)
呢個set有餐湯、主菜同homemade gelato。
每人有一舊餐包，外脆內軟，配埋olive oil都唔錯。餐湯係粟米湯，細碎粟米🌽口感，幾濃身。
3 views
0 likes
0 comments
粟米湯
3 views
0 likes
0 comments
主菜有香烤乳豬卷配鼠尾草燒汁同埋自家製香料烤春雞配洋蔥燒汁。
香烤乳豬卷配鼠尾草燒汁
4 views
0 likes
0 comments
自家製香料烤春雞配洋蔥燒汁
5 views
0 likes
0 comments
乳豬卷幾特別，上台睇細唔算太大舊，但食完都幾飽！乳豬皮少煙靭，唔係平時中式個種脆卜卜既口感。乳豬卷內仲有滿佈香料既肉碎餡料，兩重口感。肉質都幾嫩身，啖啖肉，岩晒食肉獸，配埋鼠尾草燒汁更惹味。配菜有奶油焗薯片，呢個有驚喜，幾滑幾creamy😋😍如果再大舊d我都一定食得落😼😼
烤春雞就比較重口味，餐廳用唔同香料醃製同烹調，有少少Barbecue既風味。雞肉唔算好嫩滑但唔鞋身，多肉少骨，切起上黎都幾方便。洋蔥汁配埋呢個烤雞都幾夾。配菜同樣有奶油焗薯片😋
最後食埋球雪糕🍨朱古力味Gelato😍🤪好香濃、綿綿口感，仲有chips😋🙌🏻一球唔夠喉！
朱古力味Gelato
4 views
0 likes
0 comments
環境方面，餐廳都幾開揚，環境幾舒適，同朋友gathering係唔錯既選擇。餐廳環境唔會太暗，如果日頭黎，大大塊落地玻璃，日光照射應該透光度十足，相信係另一種感覺！
Post
