舍利鮨 (Closed)

上個禮拜去元朗探好耐無見的朋友，佢帶左我去左位於世宙商場的OMAKASE專門店舍利鮨食廚師發辦。餐廳的裝修走日系簡約風， 環境寬敞，坐得舒服。筋子壽司 - 筋子係仍被卵膜包裹的三文魚子，用左麵豉醃製幾日，粒粒晶瑩通透，咬開筋子後整個口腔都充滿左魚油的甘香，鹹淡味適中，比一般的魚子更為鮮味。中拖羅 - 鐘意食刺身的，必定會食拖羅。今次我食中拖羅，中拖羅係魚腩中後部分，脂肪比例較高，油脂均勻分佈，入口即溶，魚香持久濃郁而且恰到好處。白蝦壽司 - 白蝦透明鮮甜味美, 蝦味濃郁，肉質細滑。