夏茶 (元朗千色匯)

Open Now

Now Closed

通街都係茶飲店，胃就得一個，要揀一間買嚟飲都要先做吓功課，費事中伏，而且選擇多咗，嘴都刁咗，一般奶蓋茶飲已經滿足唔到大家，品牌都要自創啲唔同嘅口味配搭先夠吸引😎年青人朋友推介我飲全元朗最好飲嘅”夏茶”，今日去到見好多人排隊，心諗應該有啲料到🔥主打雪沙同果茶，叫咗標榜係全港首創嘅開心果鮮奶，用日本開心果醬調配，頂層係芝士奶蓋加果仁碎，開心果堅果味濃郁，好飲！推介比鐘意開心果味嘅人💚朋友叫咗杯芝士西瓜雪沙，微鹹嘅芝士奶蓋配香甜西瓜，呢個清爽路線幾好，夏天飲消暑降溫得咗雪沙選項仲有其他水果如蜜桃，香印提子，芒果，椰子，牛油果等等，留返下次.