古味坊 (Closed)

市面上古早蛋糕店越開越多，行行下街總有一間喺左近。今次就試下呢間店新出嘅口味--鹹蛋芝士天使蛋糕。打開盒就聞到好香，蛋糕面鋪滿晒肉鬆同紫菜，雪白嘅蛋糕中間係一層濃厚嘅鹹蛋芝士沙律醬，從四邊滲晒出嚟。蛋糕食落鬆軟，因為只係用蛋白，所以唔止顔色更白，口感都更滑，甜度適中，中間嘅醬鹹鹹甜甜咁，豐富咗口感同味道，仲食到一片片嘅冇溶到嘅芝士，幾特別。除咗古早蛋糕，仲有糖水同其他甜品，好似雙皮奶、布甸咁，買二送一。買古早蛋糕加$10都有一個。我揀咗芒果布甸，好滑，唔會太甜，好好食。