凱悅海南雞專門店 (Renamed) View

無骨海南雞飯 ($58) + 無骨鹽水加積鴨飯($58) (可配白飯或黃薑飯/送紫菜湯/配冷熱飲品另加$5) + 香茅豬扒($30)★－:+:－:+:－:+:－:+:－:+:－:+:－:+:－:+:－★​我阿媽like海南雞，更like無骨嘅海南雞，是日同佢嚟試吓呢間先💙喺元朗教育路，元朗商會中學轉個彎，小店嚟講算坐得唔迫，冷氣好夠，地方企理；一度食好多客嚟買外賣，外賣平台叮叮叮叮都不停響😌可以配白飯或黃薑飯，無骨海南雞，去骨去得徹底，肉質鮮嫩，冇乜肥膏唔會太肥，好食👍🏻老闆話佢地啲雞比一般出面嘅雞養多四十日，所以size大隻啲，來自自家農場，食粟米大，無激素，健康的雞也🐓✨鹽水加積鴨飯，鴨切得夠薄唔韌夠嫩，冇羶味，鹽水味啱啱好👍🏻小食香茅豬扒厚身，食落鬆化👌🏻每個飯跟一碗紫菜湯🥣紫菜同肉碎足料，無味精，OK👌🏻我阿媽話個二人套餐$178有半隻無骨雞/鹽水鴨+小食+湯+兩碗飯好抵食，仲話行多幾步嚟呢間好過去大坑渠間過橋雞，中過伏，又鞋又貴🤭