劉興記生煎包專門店

Open Now

Now Closed

招牌生煎包6隻（$45） + 麻醬手撕雞絲粉皮+生煎包2隻（$54/套餐/包豆漿）+ 原味小籠包4隻（$40） + 百步香蔥油餅（$28） ★－:+:－:+:－:+:－:+:－:+:－:+:－:+:－:+:－:+:－★​劉興記生煎包，暫時全港有6間分店，分佈元朗荃灣旺角大圍上環，今晚同媽咪喺元朗店食嘩～發哥呀～～第一次幫襯，梗係要叫招牌生煎包，食之前唔知道肉汁多成咁，輕輕一咬，湯汁老實不客氣噴射式噴出嚟，噴到一枱都係，連媽咪件衫同頭髮都有Sorry🤣查實可以改名叫「超！爆！汁！生煎包」！大家食嘅時候要萬事小心🤣生煎包上層厚皮鬆軟，撒咗啲黑芝麻同蔥花，底部煎得金黃夠脆，肉餡紮實，瘦肥比例大概7：3，唔錯！即叫即蒸小籠包，外皮不算薄，勝在湯汁多，大大隻今個夏天未到8月已經日日熱到34度，食嘢只想食啲清清涼涼嘅嘢，叫麻醬手撕雞絲粉皮就啱晒～手撕雞份量唔算多，麻醬夠多夠香，夠黏口之餘唔會苦，粉皮口感滑而爽口，唔會黏埋一堆