好到底水餃雲吞麵

Open Now

Now Closed

元朗「好到底」一向出名，反覆試過元朗阜財街店同呢間位於安寧路”好到底水餃雲吞麵”，可以肯定安寧路新店比較好，真心覺得無論麵底、雲吞，尤其湯底，都好食好多✨新店由好到底家族第三代老闆開設，承傳爺爺年代配方，承傳不變老味道，一樣有自己嘅工場製麵。而家要食到好味嘅雲吞麵真係唔易，非物質文化係要保留💪🏻地方乾淨企理，設有卡位，員工勤快招呼有禮☄️蝦子撈麵蝦子份量大方不吝嗇，鹹鹹香香，撈麵食真係好夾😋撈麵麵份量比雲吞麵稍多☄️水餃麵幼麵咬落去彈牙有嚼勁，無任何梘水味，幫襯幾次都keep到水準👏🏻個湯底係精粹，清澈見底，食完唔會覺得口渴，平時食麵唔飲湯嘅我都飲晒碗湯，因為真係好鮮甜😋水餃用燕皮，同一般嘅水餃皮唔同，口感滑中帶脆，好食，必叫🔥☄️淨雲吞如果一碗麵唔夠食，可以叫多碗淨雲吞或水餃。雲吞同水餃一樣都好足料，雲吞皮薄而滑溜，蝦肉爽彈，豬肉鮮甜，蝦同肉嘅比例啱啱好☄️炸雲吞脆口，內餡飽滿，炸物但無滴油👍🏻☄️炸鯪魚球外皮香脆，魚肉新鮮而且super彈牙，無腥味，大粒到好似乒乓波咁，配蜆蚧醬鹹香味出哂嚟正！💥蝦子蘿蔔蘿蔔清甜無渣，好多蝦子😍✴️餐牌