Video
Read full review
2024-11-06
249 views
今日放假，兩公婆嚟到元朗嘅Proton，聽講環境幾Chill，食物仲幾有特色，一於嚟試吓。餐廳座位有分室內同室外，非常適合帶埋小動物嚟，裡面空間好舒服，裝修走嘅係簡約風格，非常寫意。Set lunch 選擇都好多，除咗配麵包之外，仲有沙律或餐湯，更可以半價配飲品。前菜：餐湯係黑松露蘑菇湯，黑松露味道濃郁，每一啖都飲到蘑菇嘅鮮甜味。沙律方面配有帆立貝，再淋上黑醋，賣相相當吸引，入口鮮甜又帶點酸味。主菜：吉列炸魚牛油果班戟、沙律配鮮果乳酪：班戟咬落去非常鬆軟，夾埋加咗蘋果同粟米嘅牛油果醬，口感豐富到不得了！吉列炸魚非常香脆，同班戟成強烈對比；鮮果乳酪有士多啤梨，藍莓同粟米片，酸酸甜甜，好開胃。蒜香澳洲西冷扒，有機生菜，薯餅，煎蛋蒜香澳洲西冷扒煎得剛剛好，肉質嫩滑，蒜香味十足，配埋薯餅同埋煎蛋，真係perfect match！伴碟仲有新鮮沙律菜，解膩一流。小食：我哋另外都叫咗份小食拼盤，有炸蝦、炸雞、炸單骨雞翼、脆香軟殼蟹同薯條，樣樣都炸得香脆，脆香軟殼蟹就最特別，炸完之後仲保持住蟹肉嘅鮮甜，薯條就係經典嘅配搭，配埋茄汁同蜜糖芥茉醬，好滿足。飲品：跟餐要飲品有半價，又點可以唔叫呢？我哋叫咗c
餐廳座位有分室內同室外，非常適合帶埋小動物嚟，裡面空間好舒服，裝修走嘅係簡約風格，非常寫意。
Set lunch 選擇都好多，除咗配麵包之外，仲有沙律或餐湯，更可以半價配飲品。
前菜：餐湯係黑松露蘑菇湯，黑松露味道濃郁，每一啖都飲到蘑菇嘅鮮甜味。沙律方面配有帆立貝，再淋上黑醋，賣相相當吸引，入口鮮甜又帶點酸味。
主菜：
吉列炸魚牛油果班戟、沙律配鮮果乳酪：
班戟咬落去非常鬆軟，夾埋加咗蘋果同粟米嘅牛油果醬，口感豐富到不得了！吉列炸魚非常香脆，同班戟成強烈對比；鮮果乳酪有士多啤梨，藍莓同粟米片，酸酸甜甜，好開胃。
蒜香澳洲西冷扒，有機生菜，薯餅，煎蛋
蒜香澳洲西冷扒煎得剛剛好，肉質嫩滑，蒜香味十足，配埋薯餅同埋煎蛋，真係perfect match！伴碟仲有新鮮沙律菜，解膩一流。
小食：
我哋另外都叫咗份小食拼盤，有炸蝦、炸雞、炸單骨雞翼、脆香軟殼蟹同薯條，樣樣都炸得香脆，脆香軟殼蟹就最特別，炸完之後仲保持住蟹肉嘅鮮甜，薯條就係經典嘅配搭，配埋茄汁同蜜糖芥茉醬，好滿足。
飲品：
跟餐要飲品有半價，又點可以唔叫呢？我哋叫咗cappuccino同埋dirty coconut。cappuccino有靚靚拉花，咖啡味香濃。Dirty coconut就比較特別，咖啡同椰奶嘅組合，味道幾特別，值得一試。
Post
