hive

Open Now

Now Closed

其實之前已經想嚟，但有一次咁啱撞正有人包場搞活動所以無開，今次嚟終於食到！雖然本身無養竉物，但一直好鍾意狗狗嘅我喺到見到好多人都有帶佢地竉物嚟，真係好得意好開心！醒神蛋治首先多士十分鬆軟，滑蛋幾乎入口即化，相比起普通三文治，呢到加入牛油果泥令口感更佳，而且食落十分新鮮，唔會有酸味，而topping嘅微烤芝士更令整個多士散發陣陣鹹香氣息，好岩做早餐/brunch。巴西莓果碗好fresh好健康嘅主食，有香蕉、紅火龍果、藍莓、椰子片等等配料，每款水果都好鮮甜，而yogurt口感亦十分幼滑，沒有額外加入糖分，但想甜少少嘅朋友都可以加上隨附嘅蜜糖。摩卡比起一般市面上摩卡更重朱古力味，更易入口，甜度適中粉紅救兵由草莓、藍莓、黑莓、香草乳酪同蜂蜜製成，飲落應該都係無加額外糖分，雖然加入多種莓果，但亦唔會令味道過酸，好fresh同充滿營養嘅一杯嘢飲。