拉麵Jo (Closed)

今日夜晚又去咗元朗YOHO食呢間拉麵jo🍜 今次叫咗雞白湯麵、牛肉壽喜燒、芝麻雞翼，明太子玉子燒同埋炒蜆❤️😋飲品方面，我哋叫咗巨峰乳酸梳打同埋原味乳酸梳打😻雞白湯拉麵湯底鹹淡適中，好好味❤️牛肉壽喜燒嘅牛肉又腍又香，配上甜甜嘅壽喜燒 每一啖都令人回味無窮😋😋😋至於芝麻雞翼，外皮炸得金黃酥脆，👍🏻👍🏻明太子玉子燒同炒蜆都係幾好味 明太子嘅鹹香同玉子燒嘅滑嫩完美結合，而炒蜆嘅鮮味配埋菇嘅香氣好夾好惹味🙊🙊飲品方面，巨峰乳酸梳打嘅果香味道清新🍇🍇原味乳酸梳打就簡單得黎又唔失風味，清爽嘅口感令人清新提神👏🏻👏🏻👏🏻總括嚟講呢間餐廳都幾多食物嘅選擇 而且店員服務態度好好 係一間可以encore嘅餐廳😚